Luuka 11:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² “Atinhi Farissaayee sinati atin sugto eenna a buure! A mehe atin geeyohi golol haaggicho iꞌdi maanta nyaayka ichoow imboogayyohi fil ittaawe ka Kamur gisi tomonnaatteet a ibihissaan. Iꞌdaasenyi ꞌdooꞌdi jiti fissan ka lahukkumo ichoow ꞌdooninti Waakh a ꞌdiisseen. Wihi atin lakaꞌdoono a atinhi Kamur gisi tomonnaatteet ibihissaan, iꞌdaasenyi wahanyeyyohi weyti khumman aꞌdiinna.

Luuka 11:42 Referans Kwoze

Mattaayo 23:23

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Iꞌdi tahe atin wihi ikhummaneynane iꞌdi geeyohi golol haaggicho iꞌdi maanta nyaaykee ichoow bisaaree ka, Kamur gisi tomonnaatteet a ibihissaan. Iꞌdaasenyi wihi amurre ka wihi weyti khumman liiekkaacho a ꞌdiisseen. Waha a iꞌdi maanta ꞌdooꞌdi jiti fissan ka lahukkumo ichoow uurnugleel ichoow atinhi ꞌdooꞌdi lakakhuufo tateehiin a ꞌdiisseen. Kamur gisi tomonnaatteet ibahcha iꞌdaasenyi wahanyeyyohi weyti khumman aꞌdiinna.

Luuka 18:12

Ani teebatoo goyaka maan lamma af hiida toro la wihi an ꞌhelo tuumman goyaka miili Kamur kisoobahcha.’

1 Yoohana 4:20

Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.

Mattaayo 23:27

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin a iꞌdi hawwaalohi sarcho riingihi dakhan lakadowe, kharicho haagganyahe, iꞌdaasenyi goya lafohi ꞌdooꞌdi tuume ichoow wahanyeyyohi biꞌdirenye buuha.

Yoohana 5:42

Iꞌdaasenyi an rumanka a atin garda, saggi atin rumanka Waakh iꞌdoonin a garda.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.