Luuka 11:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ Iꞌdaasenyi gololi baakhuul goya kijiro miskiin siicha ꞌdee walah tuumman ka biꞌdir a bahtaanee.

Luuka 11:41 Referans Kwoze

Luuka 12:33

Wihi atin khabtaan ororicha, ꞌdee chilimme miskiin siicha. Urgohi chilimme jirtuu imassan isiyeela, kamurroonkiin goobi Waakh gessa, inti icho iꞌdaaru laka ikanuglaanne, liihatine, riirintoo rucchul laka ikaꞌdaarin gessa.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

Tiito 1:15

ꞌDooꞌdi rubeyohicho ka eloo rucchul laka ikhabin, wahanyeyyohi jirota tuumman a leemunya. Iꞌdaasenyi ꞌdooꞌdi biꞌdirenye Kiriisto irummeysan ka, walah tuumman a biꞌdir. A mehe malassicho ichoow rubeyohichoki haag ichoow suujoon seley saaho a lakheerooche.

Ibiraaniya 13:16

Haaggi atin ꞌdooꞌdi addan iyeessaan ichoow gargaari atin ꞌdooꞌdi addan leegisantaan la akadabina. A mehe haagga a iꞌdi soorriyoti Waakh kahamaado.

Hilassi Ergaano 10:15

Hooyi Waakh koli lammaatteet usu leeyeede wihi us yidah, “Wihi Waakh munyaache wihi biꞌdire iikhaatin.”

Luuka 16:9

Wihi an atin isoocheeko, hoolahiinki harrata aalal kabahsada ꞌdee maanti kamurroonkiin massate ka goobi Waakhe jirtuu imassan ka a atin lamartiisti.

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

2 Koriinto 8:12

Iꞌdi tahe chiꞌ etoo wohoo bihin ꞌdoono, khaatannaanki Waakh siintaas khaatti, wihi liikhabin menye, geeddi lakhabo iche raaha.

Luuka 19:8

Iꞌdaasenyi Sakkaayo tolossate wihi us Kamur iyidah, “Kamur, yey! Wihi an khabo tuumman seleye goocha nyuusicho miskiin siicha. Chirri goorat an etoo ekkeesde wohoo kakhaate la, wihi goorat an kakhaate kol affartichooda ilaaba.”

Luuka 18:22

Chirri Yeesso waha daage ka wihi us et iyidah, “At uliba wohoo kaldaye kaankhan. Nyaame wihi at khabto tuumman ororiche, chilimme la miskiin siiche, kamurroonki goobi Waakh ꞌhele, ꞌdee kaale isooraah.”

Mattaayo 5:42

Eti walah kidaahe siiche, toro la eti wohoo amah ka kidaahe, wihi us kidaahe atiran.

Efeesso 4:28

Eti goorat hatto kaassohti, hatto a ꞌdiicho, hil a haaggicho, wohoo khumman a yeelo ꞌdee eti intiis gaabantahe wihi us leegismo a khabo.

Hilassi Ergaano 11:29

Abatti ebba gargaar geeddi us yabuuꞌd ꞌdooꞌdi Kiriisto rummeeste ili Yaꞌhuudiya ibihin gooche.

Mattaayo 26:11

Miskiin kol dakkhan goytiinna kakhabtaane, iꞌdaasenyi ani kol dakkhan ma ikhabtaan.

Hilassi Ergaano 24:17

“Inkoo an guꞌhassoo tuumman khar kijire ka ilkerengeetti weene Yeerusaleem isoonokhde, yaafteeyti Yaꞌhuude miskiine chilimme ikeene, sadakha laka bahche.

Marko 7:19

A mehe rubeytiis ma gelaane, iꞌdaasenyi holoolo on gelaane sartiis kabahaan.” Yeesso la wahaas us yidah ka, saggi golol tuumman biꞌdir ieheynane tuse.