Luuka 10:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Yeesso chirraakka usuhi Rubeyti Munyee hamaadi buure ka rubeytiis buuhisse, wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse. Aa! Aabbahaaw, wihi kaahamaadicho gon wahaase.

Luuka 10:21 Referans Kwoze

2 Koriinto 4:3

Chirri Wori Haaggane nah cheekno dagsanyahe laka, ꞌdooꞌdi bar latiro on kadagsanyahe.

Efeesso 1:11

Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,

Efeesso 1:5

orey on gooste, Yeesso Kiriisto ka, tuum nyaakhutiis inno kayeessa. Waha la a wihi us hamaadiis ichoow ꞌdoonintiis ka us gooche.

Marko 10:15

Rume atin icheeka, eti dakhi Waakh saggi weeli rucchul ikakhaatan, koloo kalday laka goobi Waakh ma gelo.”

Mattaayo 21:16

Wihi icho Yeesso worsateen, “Wihi nyaakhuta essi ma daagto?” Yeesso wihi us ilaabe, “Aa, a daaga. Atin waha injire ma soomin a? “ ‘Afassi ꞌdaaꞌhum ichoow nyaakhuti rurrucchul ba koolohi icho mujjum kikoolichaan a abisse.’ ”

Mattaayo 16:17

Yeesso wihi us ilaabe, “Siimon inam Yoohana, ati Waakh a kimaale. Iꞌdi tahe runtaas at cheekte ti weeli enenyet katimiy menye, iꞌdaasenyi Aabbaheeyki serey jiro iche kisoobabbakkaahiche.

Luuka 15:9

Chirri iche ꞌhesse la deyyehoti aalassichee ichoow ti ollokkichee tuumman wahta wihi iche itadeeh, ‘Kaaleya a isleehamaano, iꞌdi tahe an chilinkeeyki baabe a ꞌhele!’

Luuka 15:5

Chirri us ꞌhele ka weyti hamaada, naf adah sookorsata

Yoohana 11:41

Daddaab hawwaal afiche lakabahche. Yeesso ꞌdeerka serey yeye, wihi us yidah, “Aabba, jeenteti at ani idaagtuu, kalaꞌde kisoolaaba.

Mattaayo 3:7

Iꞌdaasenyi Yoohana maanti us rabitti Farissaayo ichoow ti Sadukaayo ittaawenye iche laka baattissiyo timiy arge ka, wihi us iyidah, “Dessi toof! Ayyo atin tootooche ꞌdee holi Waakh dowwanoha ka keeno kafiriddaan?