Luuka 10:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Wihi us iyidah, “Gurnaan a buure, iꞌdaasenyi ꞌdooꞌdi hil haaggicho a koo rucchul. Maantaka Kamuri gurnaan leh daaha, ꞌdee ꞌdooꞌdi ittaawenye gurnaan soogoocho a sooergo.

Luuka 10:2 Referans Kwoze

1 'Dessaloonika 5:12

ꞌDooꞌd Kiriistokaaw, a atin daahnee, taba ꞌdooꞌdi Kamur ka goytiin ka hol dowo atin itoollo atin waanicho inkaanyita.

Marko 16:15

Wihi us icho iyidah, “Nyaama harra tuumman taba, Wori Haaggan la ꞌdooꞌdi Waakh soouume tuumman icheeka.

2 Timooti 4:5

Iꞌdaasenyi at tabe walah tuumman ka isjeyiche, sinabaaw kisoobahte ka la garrahso. Hili eti Wori Haaggan taaꞌhicho haaggiche, hili Waakh kikorche tuumman buuhi.

2 'Dessaloonika 3:1

Wihi ꞌdaꞌddaboot ꞌdooꞌd Kiriistokaaw, Waakh nah isoowaha, ꞌdee wor Kamureen dowwa a taaꞌho, inti us eleelo tuumman ka a liinkaanyito iꞌdi maanti goorat us atin sooeleele u.

Marko 13:34

Waha iyookkoka, a iꞌdi etoo sulhaal irti. Minkiis katabo, bowꞌdayyohiis anto siicho, kooba hili us haaggicho ikatabo, eti arit fiddiyo la amuri us meel yaakhicho ibahcho.

1 Timooti 4:10

Jeentetuu la weyti hol downa, tirriinsanna, jeenteti inno Waakkhi jiro khajjeel ikakhabnuu. Waakkha la a ꞌDoorribehi enenyet tuummane, kach ka la ꞌdooꞌdi usu rummeeste.

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

Hilassi Ergaano 13:4

Lammache ichehi Rubeyti Munyee ergatte, irteene ilkerengeetti Seluukiya ikhubteene, intaas ka kooban geleene kurti bicche dahcho kajirto Kuuburo layadeeh irteen.

Hilassi Ergaano 13:2

Geedda icho Kamur wahtaane icho af hiitaan, Rubeyti Munyee wihi iche itidah, “Barnaba ichoow Saawulo ba hili an icho iwahe isoobahcha.”

Hilassi Ergaano 11:19

ꞌDooꞌd Kiriistoki lataaꞌhiche jeenteti sinayyohi ꞌdooꞌd loomhichuu inkoo Isiteefano layigis geeddi ili Foniikiya ichoow kurti bicche dahcho kajirto Kuuburo layadeeh ichoow ilkerengeetti Antiyookhiya irte. ꞌDooꞌdi yaafti Yaꞌhuud kalday Wori Haaggan icheekeen.

Hilassi Ergaano 8:4

ꞌDooꞌda taaꞌhe la a irte, Wori Haaggan enenyet tuumman icheeke.

Luuka 9:1

Yeesso chirri us ergaanotiisti tomon ichoow lammee isiwahe ka, miig ichoow antohi icho ginnayyo tuumman kabahchaane toro icho sugeerre kasamaachaan siiche.

Marko 16:20

Abatti ꞌdeerka bahte Wori Haaggan meel tuumman ka cheekte. Kamur la icho hil leehaaggiche, yeedicho ichoow wahanyeyyohi miigti Waakh tuso sooraahe ka, yeedi icho cheekeen rummaache.

Mattaayo 20:1

“A mehe dakhi goobi Waakh a iꞌdi etoo gosi sabiib khabo. Maantoo baryo ka, irte ꞌdooꞌdi us kireesti gosiis hil kahaaggicho yowte.

Fiiliffi 2:25

Iꞌdaasenyi toolla wihi addane an gooche, a anihi Ebaabara atin isoolaabo. Ullaka a et Kiriisto toro la a ileehila a iꞌdoo us diho ikaleejire. Ulla a ergattitiinti wihi an maan dakkhan ꞌdoono ka igargaaro.

Fiiliffi 2:21

A mehe ꞌdooꞌdi addan tuumman, wahanyeyyo Yeesso Kiriisto menye ebba wihiissa on yowta.

1 Koriinto 12:28

Urur Kiriisto goyaka Waakh ꞌdooꞌdoo hilassane korche. Kolooraat ergaano, ki lammaatteet ꞌdooꞌdi Waákh íyeyyeedo, ki seyyahnaatteet ꞌdooꞌdi enenyet ayti Waakh abcho, ki kasookhuccho la a ꞌdooꞌdi wihi weeli enenyet yeelin iubaaꞌdan yeelo, ommos ki siimohi ꞌdooꞌdi khakkhannan lakasamaacho khabo, ommos ki ꞌdooꞌdi addan gargaaro ommos siimohi urur Kiriisto ladakhti ommos ki afi us idaagin kaayyeedo.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

Fiiliffi 2:30

Iꞌdi tahe jeenteti us Kiriisto hil ikahaaggicho on u, a umaatan leheet. Ulla jirotiis adahe gate, ꞌdee gargaari atin ani igargaarin iubaaꞌdan igargaare.

Ibiraaniya 3:6

Iꞌdaasenyi Kiriisto weeli lakakhuufo hili minki Waakh tuumman itoollo eheet. Chirri inno burꞌde ikhabine, khajjeeli inno Kiriisto kakhabno keeylajno la, inno a minkiissa.

1 'Dessaloonika 2:9

Rumanka ꞌdooꞌd Kiriistokaaw, atin hili miigenye nah haagginne a kasooꞌhessaan. Ibeen ichoow maalim ba hol a downe uus ꞌdee geedda nah Wori Haaggane Waakh atin icheekno etiinkoo kalday laka hulees korinne.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Fiilemon 1:1

Khadaaba eti kisoochiiro a ani, Baawulo. Anna jeenteti an wori Yeesso Kiriisto miinsan icheeko iche jeela ikajira. Timootihi ullaka koo Kiriistee a kisoobariitiche. Fiilemonhi weyti aalenyeenye, hil Kiriisto nah kaleejiro,

Bakkaahit 2:1

“Herti Waakhe keleyenye urur Kiriistoki Efeesso itolosso waha ichiir. Waha a farniinki ki bakkaalleti teebee dahantiisti miigeet kakhuccho toro la reemassi teebeenye ꞌdahabe taa lakorcho dahticho kaassohti.