Luuka 10:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ ‘Ebeeri ilkerengeettiinna luhlo nah kaangago laka atin on atin isahna, waha la saggi Waakh sina atin ituso iche tusaan. Iꞌdaasenyi waha abda, dakhi Waakh a soodowwaate.’

Luuka 10:11 Referans Kwoze

Hilassi Ergaano 13:51

Ergaano ꞌdeerka ebeeri luhlohicho fuulo wihi iche ꞌdooꞌdaas kacheekatti tuso ijahte, ꞌdeerka ilkerengeetti Ikooniyo iratte.

Luuka 10:9

ꞌDooꞌdi khakkhannane ilkerengeettaas kajiro samaacha, wihi atin itadeehiin, ‘Dakhi Waakh kola a atin isoodowwaate.’

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

Hilassi Ergaano 13:46

Iꞌdaasenyi Baawulo ichoow Barnaba wihi icho roorro laan soolaabeen, “Wihi nah lakaꞌdoono, a nahi Yeedi Waakh kolooraat atin isoocheekno. Jeenteti atin iꞌdiiꞌddeene, saggi atin jiroti armaanjireen ikamalin isikeekkaasseen u la, kola yaafohi Yaꞌhuud ieheynane iiranna.

Hilassi Ergaano 13:40

Yuubsada giꞌde uus wihi goorat ꞌdooꞌdi Waákh íyeyyeedo yidah atin kiitaahane.

Hilassi Ergaano 13:26

“Yaafeey, atinhi hiiy Aburaahame ichoow atinhi yaafohi addanenye Waakh karoortaan inno wori saggi Waakh inno iribo a inno liisooerge.

Marko 6:11

Meelbaaw atin liikamartiisanne ommos atin liidagansan, ebeeri luhlo atin fuulo sahda geedda atin bahtaan. Waha a garti ichó cheekatti.”

Mattaayo 10:14

Chirri etoo atin imartiisanne, ommos yeediin idagansan, chaꞌatin goobaas ommos ilkerengeettaas kabahtaan, ebeeri luhlo atin fuulo sahda, saggi Waakh icho ihukkumo tusa.

Rooma 10:21

Iꞌdaasenyi wihi ꞌdooꞌdi Issiraayel miinsane Waakh yidah a waha, “An maalinki noole goya ween ꞌdooꞌdi yeedeey iraahine, ani itirrimo iche dahanoheey iooge.”

Rooma 10:8

Kamalda bal, Chiirnaanneti Waakh mehe tadeeh? “Farniinki Waakh weyti atin idowyahe, furuurohiinna fuula, uurassiin goya la kajira.” Wahaas la a farniinki kakhuufnaanki Waakh lakakhuufo miinsane, nah enenyet icheekno.

Mattaayo 3:2

Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

Mattaayo 10:7

Geedda atin ꞌdussaan la wora cheeka, wihi atin tadeehiin la, ‘Dakhi goobi Waakh kola a soodowwaate.’

Luuka 9:5

Chirri enenyet atin imartiisan, ebeeri luhlo atin fuulo sahda geedda atin ilkerengeetticho kabahtaan. Waha a garti icho cheekatti.”

Luuka 10:10

Iꞌdaasenyi chirra atin ilkerengeettoo gesseene atin liimartiisan, jitassi ilkerengeeteet ibaha, wihi atin tadeehiin,