Luuka 1:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Lammacho ba la ꞌdooꞌdi Waakh ortiis ka fiffissane eheete, raahnaanki amurreti Kamur ichoow wihi Kamur enenyet kaꞌdoono laraaho ka wohoo rucchul laka ma lakacheekan.

Luuka 1:6 Referans Kwoze

Fiiliffi 2:15

Iꞌda ka nyaakhuti Waakhe wohoo rucchul laka liikacheekanne toro la eloo rucchul laka ikhabine tateehiin. Atin ꞌdooꞌdi iꞌdeenye khollokkhane toro ꞌdooꞌdi addan baabiicho goycho ka, a iꞌdi yiyyihimohi harrata ka mugꞌdi goya kabildiikho,

Hilassi Ergaano 24:16

Anna jeentetaase kol tuumman Waakh ortiis ichoow weeli enenyet ortiis ka hol idowa, rubeyti suujoon ikacheekan ikhaba.

1 'Dessaloonika 3:13

Kamur ba iꞌda ka uur a atin miigoocho, ꞌdee maanti Yeessohi Kamureene ꞌdooꞌdiis tuumman khabaayi soonokhti ka, Waakkhi Aabbaheene ortiis ka ꞌdooꞌdi munyeenye toro wohoo rucchul laka liikacheekan tateehiin.

1 Yoohana 2:3

Chirri inno amurretiis raahno, saggi inno rumanka eti Waakh yahe iabanne a garanna.

2 Beetero 3:14

Maantaka aalasseeyki an weyti ꞌdoono, geeddi atin wahaas sugtaan weyti tirriinsada, ꞌdee atinhi usu nebey ikhabtaane uskeeloo rucchul laka ikhabine eloo rucchul laka ikhabin a atin sooeleelo.

1 Yoohana 3:7

Nyaakhuteeyki an weyti ꞌdoono, uus etoo kalday laka jit atin bujin. Eti wihi fissan yeelo a fissanyahe, saggi Kiriisto ifissanyahuu.

1 Yoohana 2:29

Chaꞌatin saggi Kiriisto ifissanyahe garattaan, saggi ꞌdooꞌdi tuummane wihi fissan yeelo nyaakhuti Waakh iyahe a garattaan.

Kolossaay 1:22

Iꞌdaasenyi omootti sar Kiriisto tumuy ka, Waakh ankiissa atin keene, atin munyaache ortiis ka ꞌdooꞌdi eloo rucchul laka ikhabine wohoo rucchul laka liikacheekan atin kayeele.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

1 Koriinto 11:2

An weyti atin koolicha iꞌdi tahe walah tuumman ka a ikasooꞌhessaane toro la hugunki goorat an ꞌhele toro an atin isookucche, mujjume khucchissaan.

Hilassi Ergaano 23:1

Baawulo la Jaldaabti Weene Yaꞌhuud indo katoolliche, yeye, “Yaaftaay, an ichoowka maalinka rubeyteeyti suujoon ikacheekan ka, hileey a buuhiche Waakh ortiis ka,” iyidah.

Luuka 16:15

Yeesso la wihi us icho iyidah, “Atin ꞌdooꞌd ortiis ka a ismujjummoossaane, iꞌdaasenyi Waakh uuriin a garta. Wihi weeli enenyet ortiis ka weyti khumman, Waakh weyti ꞌdiiꞌddanyahe.

Luuka 1:7

Iꞌdaasenyi nyaakhut icho khabeen mele, iꞌdi tahe Eliissabeet a mahane, lammacho la toro a araarroween.

Luuka 2:25

Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.

Hilassi Ergaano 2:25

Wihi usu miinsane karnati Dawuud layadeeh yidah, “ ‘An kol dakkhan Kamur ortaaya kaarga. Jeenteti us garabeey itoolluu, walah isesseehicho mele.

Hilassi Ergaano 8:21

At hileenyo ka meessoor rucchul laka ma khabto, a mehe uuraah Waakh ortiis ka ma fissanee.

Rooma 8:4

ꞌdee jiroteen ka wihi fiffissane amurretaas inno kaꞌdoonto tuum labuuhicha. A mehe wihi uurasseen goya kijiro uskeel imoono ichoow jiroteen ma israahaane, Rubeyti Waakh ichoow jiroteen a israahaan.