Luuka 1:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Eliissabeet riirte wihi iche tidah, “At rumanka deyyeho tuumman goycheka a lakimaale, toro la weeli at soodesso laka a liimaale!

Luuka 1:42 Referans Kwoze

Luuka 19:38

“Waakh karnati magahi Kamur kayamiit a imaale! Goobi Waakh nebey a lakakaala, Waakkheenki inti weyti saraat kijiro a lakoolicho.”

Luuka 1:28

Herta Waakh Maariya isoobahte wihi iche itidah, “Nebeytaah ma furatti, atihi Kamur weyti kijilhaate. Kamur a kileejira!”

Luuka 1:48

Iꞌdi tahe anihi falfatiisenye nugul a ikasooꞌhele! Uuꞌ maalinka kholoyyo tuumman ani eti Waakh imaale iyadeehiin.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Rooma 9:5

Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.

Luuka 1:41

Chirri iche bariito Maariya daagte ka, weeli Eliissabeet uur kakhabto yuutte, Rubeyti Munyee Eliissabeet buuhisse.

Luuka 1:43

An a ayyo waha liiyeela ichoowka abar Kamureey laka ani itamiit?