Luuka 1:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² Ulla eti weene yateehe, toro la Weeli Waakkhi Weyti Ween iche layadeeh. Kamuri Waakhe komborti antoote too aacchihiiski Dawuud layadeehe siicha.

Luuka 1:32 Referans Kwoze

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Marko 5:7

Deeddi us yabuuꞌd dakkhan riire, “Yeesso, weeli Waakkhi weynaan tuumman tiis tahe, at mehe ikaꞌdoonta? Magahi Waakh ka daato, bolokh iitusin!”

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.

Luuka 1:76

Inankaaw, at la eti Waákkhi Weyti Ween íyeyyeedo lakiyadeeh. At la Kamur ortiissa sohatta jit iharta,

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Rooma 1:4

Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Hilassi Ergaano 2:30

Iꞌdaasenyi us eti Waákh íyeyyeedo eheete, ayyinti Waakh usu daato ka igooche ꞌdee eti hiiyyiise komborti antoot gesso a garte.

Mattaayo 1:1

Waha a magahenye aacchinye Yeesso Kiriistohi hiiy Dawuudhi karnate. Dawuud la a hiiy Aburaaham.

Hilassi Ergaano 16:17

Riirtaayi nah ichoow Baawulo nah sooraahte, riirte, “ꞌDooꞌda a falfayyohi Waakkhi weyti ween! Saggi atin liiribo, iche atin icheekaan,” elatte.

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

Yoohana 12:34

Urur la wihi us iyidah, “Amurre Muusa ka, Ki Lasubhe jirtuu tuumman a inno leefiddiya iche daagne. Saggoh ꞌdeerka ‘Ínam Aadam serey a liiokkhicha’ itadeeh? ‘Ínam Aadamha,’ a ayyo?”

Yoohana 6:69

Toolla la nah saggi at Ki Munyeenye Waakh kayimiy itahe a rummeysanna toro la a garanna.”

Marko 14:61

Iꞌdaasenyi Yeesso gammadiche, walah us soolaabe mele. Kuhaanihi weyti ween toro wihi us worsate, “At a Ki Lasubhe, a Weeli Waakkhi Lakoolicho?”

Hilassi Ergaano 7:48

“Iꞌdaasenyi Waakkhi Weyti Ween minki dahanohi enenyet diseen ma fiddiyo, iꞌdi ꞌdooꞌdi Waákh íyeyyeedo yadeeh u,

Mattaayo 3:11

Yoohana toro wihi us yidah, “Ani atinhi tuummane uskeeliin kasoonokhatteen, bicche atin kabaattissiya. Iꞌdaasenyi etoo ꞌdubeey ka yamiit weyti ikaweenyahe, ortiis ka walah an ahe mele, kobtiis laka sinnaan ma muꞌdan. Us Rubeyti Munyee ka ichoow ꞌdab ka a atin baattissiya.

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

Luuka 3:16

Yoohana la wihi us icho dakkhan ilaabe “An toolla bicche atin kabaattissiya, iꞌdaasenyi etoo ani ikaween a yamiit. Anna falfihi kobtiissa an jalkhicho ma muꞌdan. Ulla Rubeyti Munyee ka ichoow ꞌdab ka a atin baattissiya.

Luuka 1:15

Iꞌdi tahe us Waakh ortiis ka eti weene yateeh. Ulla uus farsotoo rucchule sabiib laka af kaꞌdaarin. Uꞌ dessi la Rubeyti Munyee usu a buuhissa.

Mattaayo 12:42

Ibeenki Waakh ꞌdooꞌd hukkumo la makhaabassi karnatenye ili Cheeba a kahta ꞌdooꞌdi iꞌdee uskeel igoossa. A mehe iche goorat harra ginꞌdohicheeda katimiyye kharati karnati Soolomon layadeeh khabe dagansatte, toolla la etoo Soolomon laka kaween kallaay.