Ibiraaniya 9:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Ayyinti oraate Waakh gooche ka wahanyeyyohi laꞌdoono Waakh lakawahti a jireene, toro la meessi lagane harratane Waakh lakawahti a jirte.

Ibiraaniya 9:1 Referans Kwoze

Ibiraaniya 8:2

Ulla hili kuhaanihi weene Meessi Lagan ka Waakh ikahila. Meessa la a eemati rummaate Waakh lakawahti, weeli enenyet menye, Kamuri Waakhe rubeytiis dise.

Ibiraaniya 8:7

A mehe chirri kootte ayyintaas oraate Waakh gooche eloo ikhabin ayyintoo addan ma layowti gon.

Kolossaay 2:8

Taba giꞌde uus etoo kalday laka malassi beenaate indigir laa ka atin ekkeysanne iꞌdi bowꞌduu atin labooliyin. Malassa la wihi Kiriisto essi ma kanoole, hugumme ichoow miigti suujenye harratane kanoolyahiin.

Ibiraaniya 8:13

Chirri Waakh ayyinti us gooche, “ti husub” yadeeh, waha mehe tusaan ya ti goorat oraat a raagte gon. Taas la geeddoo nucchul on sohatta, massatta.

Luuka 1:6

Lammacho ba la ꞌdooꞌdi Waakh ortiis ka fiffissane eheete, raahnaanki amurreti Kamur ichoow wihi Kamur enenyet kaꞌdoono laraaho ka wohoo rucchul laka ma lakacheekan.

Rooma 9:4

Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.