Ibiraaniya 8:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Meessi lagane icho hili Waakh kahaaggichaan a oosim ichoow iyookkoti wihi goobi Waakh kajiro. Jeentetane maanti Muusa eemati Waakh lakawahti disin leheet, Waakh itootooche, wihi us iyidah, “Tabe, wihi at haaggisso tuumman ichoow iyookkoti goorat hali Sinnaay sartiis ka an kituse a israaheen.”

Ibiraaniya 8:5 Referans Kwoze

Kolossaay 2:17

Amurreta a oosinti wihi yamiit on tusso, iꞌdaasenyi wahaas rummaat a Kiriisto rubeytiissa.

Ibiraaniya 10:1

Amurre Muusa a oosinti wihi haaggane soosohti one, wihi rummaat mee. Amurretaas ka soorriyoyyo a wihi guꞌhi soomaro tuumman ka liinonnokhti lahaaggicho. Iꞌdaasenyi soorriyoyyoha ꞌdooꞌdi Waakh kawahti ꞌdooꞌdi eloo rucchul laka ikhabin ma kayeelaan.

Ibiraaniya 9:9

Waha dakkhane ayyinti oraat miinsan weyꞌda mehe itoollaan ya, siimo ichoow naffi Waakh liisoorriyoocho, rubeyti etane uskeel ikacheekan dikhin ma yabuuꞌdiin.

Ibiraaniya 12:25

Taba giꞌde Waakkhi yeeda atin idowo aꞌdiiꞌdina. A mehe chirri goorat yaafohi Issiraayel Muusahi harrata ka leeyyeede yeediis ꞌdiiꞌdeene iche ibahsawwaaytuu, inno laka sag inno iꞌdaaru laka ibahsanni mele chirri inno eti goobi Waakh kasooyyeedo adah kakhabanne.

Ibiraaniya 11:7

Noowa la kakhuufnaanki us Waakh kakhuufe on ka, iche maanti Waakh tootooche, wihi maalinkaas liiargin icheeke, koobanhi buure dise, goobiis ribe. Kakhuufnaanki us Waakh kakhuufe ka, ꞌdooꞌdi harrata uskeel igooche. Toro la Waakh usu eti fissanoonki kakhuufnaanki Waakh lakakhuufo lakeelo muꞌdan iekkaache.

Hilassi Ergaano 7:44

“Aacchinyeteen goorat hidaad ka eemati saggi Waakh ileejiro tusso iche khabte sissiꞌdatte. Eemataas saggi goorat Waakh Muusa ihaaggi iyidah on liihaaggiche, toro iyookkoti goorat Muusa arge on lakahaaggiche.

Mattaayo 2:12

Inkoo Waakh issillo ka tootooche, ꞌHerood iinokhanna iyidah ka, jitoo addan tabeene, ilicho inokhteen.

Ibiraaniya 13:10

Innohi ꞌdooꞌd Kiriistee la, chalagti kuhaaniyyohi Yaꞌhuude eemati harratane Waakh lakawahti weyti kayeere a khabna. Kuhaaniyyohaas soorriyoyyohi icho Waakh ibahchaan ohom a muꞌdanyahiin. Iꞌdaasenyi wahanyeyyohi chalagteen ohom ma muꞌdan.

Bakkaahit 15:5

Anna waha ꞌdubicho ka yeye, minki Waakhe buure usuhi goobi Waakh ka fahan arge. Minka la a eemati saggi Waakh ileejiro tusso.