Ibiraaniya 8:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ulla hili kuhaanihi weene Meessi Lagan ka Waakh ikahila. Meessa la a eemati rummaate Waakh lakawahti, weeli enenyet menye, Kamuri Waakhe rubeytiis dise.

Ibiraaniya 8:2 Referans Kwoze

2 Koriinto 5:1

Iꞌdi tahe wihi inno garanni, chiꞌ sarteenta harratane inno khabno iꞌdi eemee labaabiicho, goobi Waakh ka, minki jirtuu imassanne inno Waakh kaꞌhello a khabna. Minkaas la ki dahanohi enenyet haaggicheen mee.

Rooma 15:8

A mehe wihi an atin icheeko, Kiriisto falfati yaafohi Yaꞌhuude khandiiti iche yitah. Falfatichoti us yitah ka la, saggi Waakh liikakhuufo us ayyinti us aacchinyeteenti oraat igooche irummaache iche tusa.

Ibiraaniya 11:10

Aburaaham la saggaase ifiddiye. Waha la a jeenteti us ilkerengeetti weene daddaabohi ilaat sarche kadisane, jirtuu dakkhan jirto Waakh rubeytiis rerreege toro dise, ikhajjeelo.

Ibiraaniya 10:21

Kuhaanihi weyti weene minki Waakh itoollo la a khabna gone,

Kolossaay 2:11

Toro la atin ichoow Kiriisto a wohoo kalday gone, a atin lakhandiye. Iꞌdaasenyi waha khandihi dahanti weeli enenyet haaggisso menye, a ki Yeesso Kiriisto haaggicho. Iꞌda ka Kiriisto wihi uurassiin goya kijiro uskeel imoono a atin kabahche.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Ibiraaniya 9:1

Ayyinti oraate Waakh gooche ka wahanyeyyohi laꞌdoono Waakh lakawahti a jireene, toro la meessi lagane harratane Waakh lakawahti a jirte.

Ibiraaniya 10:11

Kuhaaniyyo ebba maan dakkhan chalag ortiis ka hiliissa haaggicha, soorriyoyyohaas koloo kalday laka uskeel ibihin babbahchaan.

Bakkaahit 21:3

Hooyi buurenye komborti antoot kasooyeedo daage, wihi us yidah, “Yeya, Waakh kola weeli enenyet goya furta. Ulla icho a leefiddiya, icho la ꞌdooꞌdiis yateehiin. Waakh rubeytiis la icho a leejira, ulla Waakkhichooda yateeh.