Ibiraaniya 7:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Maantaka maanti Aburaaham goonankoo Melkisedeek siiche, a iꞌdoo Laawihi hiiyyiis goonankoo khaato laka, Aburaaham ka goonankoo bahche.

Ibiraaniya 7:9 Referans Kwoze

Rooma 5:12

Maantaka uskeel maanti goorat us harra soogele etoo kaldache keene, uskeeli etaas la omoote ꞌdub kasookhabe. Omoottaas weeli enenyet tuumman itaaꞌhte, a mehe weeli enenyet tuumman uskeel a yeele.

Ibiraaniya 7:4

Bal saggi rumanka Melkisedeek ikhummanyahe kamalda. Aburaahamhi yaafohi Issiraayel uume laka, wihi us diho ka sookhaate, goonankoo Melkisedeeke siiche.

Mattaayo 7:8

Iꞌdi tahe eti tuummane walah daahe, Waakh wihi us daahe a siicha, ki walah yowti la, Waakh a kaꞌhela, ki ifaha yidah la, Waakh arit a ifaha.

Ibiraaniya 7:8

Kuhaaniyyohi yaaf Laawi kayimiy ka, ꞌdooꞌdi goonankoo khaato a weeli enenyete berri yamuut. Melkisedeek laka goonankoo a ꞌhele. Iꞌdaasenyi us icho a kussanyahe. Iꞌdi tahe Chiirnaanneti Waakh saggi us ijiro a cheekta.

Ibiraaniya 7:10

Iꞌdi tahe Laawi geeddaas ka ma delan. Toro maanti Melkisedeek Aburaaham ꞌhele, Laawihi yomboka ladele, sar aacchihiiski Aburaaham layadeehe goya kijire.