Ibiraaniya 7:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Kuhaaniyyohi yaaf Laawi kayimiy ka, ꞌdooꞌdi goonankoo khaato a weeli enenyete berri yamuut. Melkisedeek laka goonankoo a ꞌhele. Iꞌdaasenyi us icho a kussanyahe. Iꞌdi tahe Chiirnaanneti Waakh saggi us ijiro a cheekta.

Ibiraaniya 7:8 Referans Kwoze

Ibiraaniya 6:20

Yeesso la orteenna meessaas inno igele. Ulla jirtuu tuumman uumman Melkisedeek u, kuhaaniheenki weyti weene yitah.

Ibiraaniya 5:6

Chiirnaanneti Waakh goyaka intoo ka Waakh mehe Kiriisto idowa ya, “At jirtuu tuumman a kuhaanihi uumman Melkisedeeke.”

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Ibiraaniya 7:23

Wohoo addane ayyinti oraat yeerarroocho a mehe ya, kuhaaniyyohi oraat ittaawe eheneet. Iꞌdi tahe kooba a yamuute, chuꞌus yumuy la, hili Waakh ma haaggicho gone, etoo addan meessiis gela.

Yoohana 14:19

Geeddoo rucchul ka kola ꞌdooꞌdi harrata toro ma iargo, iꞌdaasenyi atin a iagartaan. Toro jeenteti an ijiruu, atin laka ꞌdee jiro a ꞌhessaan.

Ibiraaniya 3:16

Kamalda bal ꞌdooꞌdi wihi Waakh essi daage toro raahiwwaaye a ayyo illeh? Icho ꞌdooꞌdi tuummane Muusa ili Miissiri kasoobahche menya?

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Ibiraaniya 9:27

Wihi Waakh gooche a mehe ya, weeli enenyet tuumman ebba koloo on yamuute, ꞌdee Waakh hukkuma.

Ibiraaniya 7:7

Wihi inno garanni la a mehe ya, eti enenyet iweesti, ichoow ki liiweesti, ki enenyet iweesti ween.

Ibiraaniya 7:9

Maantaka maanti Aburaaham goonankoo Melkisedeek siiche, a iꞌdoo Laawihi hiiyyiis goonankoo khaato laka, Aburaaham ka goonankoo bahche.