Ibiraaniya 7:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Iꞌdaasenyi chirri Melkisedeek hiiy Laawi ikiimaatan laka, goonankoo Aburaaham usu siiche a kakhaatte one, toro iweeste. Aburaaham la a eti ayyinti goorat Waakh gooche ꞌhelo.

Ibiraaniya 7:6 Referans Kwoze

Rooma 4:13

Wihi inno garanni, Waakh goorat Aburaaham ichoow nyaakhut nyaakhut Aburaaham ayyinti us igooche a mehe ya, harra tuummane dalhaan. Aburaaham jeenteti us amurre Muusa iraaho ayyinta ma iꞌheline, iꞌdaasenyi jeenteti us Waakh ikakhuufe usu eti fissan liiekkaache, iche Waakh ayyinta igooche.

Ibiraaniya 11:17

Aburaaham la kakhuufnaanki us Waakh kakhuufe on ka, iche maanti Waakh kaje, inankiiski Isakh layadeeh Waakh soorriyo ikabihin leheet. Aburaaham ayyinti Waakh igooche khaatte, inankiiski kaldaye keleyenye us khabe, Waakh isoorriyin leheet.

Ibiraaniya 7:1

Eta Melkisedeek layadeeh, karnati ili Saleeme eheneete, toro la kuhaanihi Waakkhi Weyti Weene eheneet. Chirri Aburaaham ꞌdooꞌdiis khabaayi karnatohi ittaawe kaꞌhigtoote sooriche soonokhte ka, Melkisedeek or kadowe, iweeste.

Galaatiya 3:16

Toolla la ayyinti goorat Waakh Aburaahám igooche, Aburaaham ichoow weel nyaakhut nyaakhutiissa miinsantahe. Chiirnaanneti Waakh, “Ichoow nyaakhut nyaakhutiissa,” mee tadeeh, iꞌdaas ka kootte a ꞌdooꞌdi ittaawe gone. Iꞌdaasenyi mehe tadeeh ya, “Weel nyaakhut nyaakhutaahha.” Iꞌdaas ka la a etoo kaldaye, a Kiriisto la.

Rooma 9:4

Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

Hilassi Ergaano 3:25

Atin a yeeleti ꞌdooꞌdi Waákh íyeyyeedo toro a yeeleti ayyinti Waakh aacchinyetiin igooche muꞌdan. Waakh Aburaaham mehe iyidah ya, ‘Hiiyyaah ka, ꞌdooꞌdi harra tuumman a imaala.’

Ibiraaniya 11:13

ꞌDooꞌda dakkhan la Waakh kakhuufaayi tuume. Icho la wihi Waakh iayyiche ma ꞌheline, toro la fogaka wihi ꞌdee berri sooyateeh argeene, kahamaadeen. Saggi icho harrata ka chiiy ichoow ꞌdooꞌdi yeelan iyahiin ꞌdow ka a cheekeen.

Ibiraaniya 7:7

Wihi inno garanni la a mehe ya, eti enenyet iweesti, ichoow ki liiweesti, ki enenyet iweesti ween.