Ibiraaniya 7:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Amurreti Waakh yaafohi Issiraayel siiche, kuhaaniyyohi yaaf Laawi kanoolneet. Iꞌdaasenyi kuhaaniyyo hilicho saggi Waakh ikaꞌdoono tuum buuhin ma ubaaꞌdan. Jeentetaas gon kuhaanihi uumman nyaakhut nyaakhut Haruun kayimiy menye, ki uumman Melkisedeeke Waakh iꞌdoona.

Ibiraaniya 7:11 Referans Kwoze

Ibiraaniya 8:7

A mehe chirri kootte ayyintaas oraate Waakh gooche eloo ikhabin ayyintoo addan ma layowti gon.

Galaatiya 2:21

An haaggi Waakhe buurenye an ribnaan kaꞌhele sag an ꞌdol iassil mele. Iꞌdi tahe chirri amurre Muusati laraaho ka Waakh ꞌdooꞌdi ortiis ka fiffissan nah iekkaacho, Kiriisto walah us iyumuy mele gon!”

Ibiraaniya 7:21

Iꞌdaasenyi maanti Yeesso kuhaani yitah, Waakh a daatte, wihi us yidah, “Anihi Kamurenye Waakhe wahane gooche, yombo la ma inokhdi, wohoo addan ma yeelo. At jirtuu tuumman a kuhaani.”

Ibiraaniya 7:15

Ayta inno kaayyeene weyti a ꞌdowaawte, iꞌdi tahe kuhaanihoo addane uumman Melkisedeeke a soobahe.

Ibiraaniya 5:6

Chiirnaanneti Waakh goyaka intoo ka Waakh mehe Kiriisto idowa ya, “At jirtuu tuumman a kuhaanihi uumman Melkisedeeke.”

Galaatiya 4:9

Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Ibiraaniya 6:20

Yeesso la orteenna meessaas inno igele. Ulla jirtuu tuumman uumman Melkisedeek u, kuhaaniheenki weyti weene yitah.

Ibiraaniya 5:10

Waakh la wihi us kawahe, a kuhaanihi weyti weene uumman Melkisedeeke.

Galaatiya 4:3

Inno laka a iꞌdaas on. Ichoowka maanti Kiriisto yimiy saggi nyaakhuti rurrucchule ijirre. Iꞌdi bowꞌdayyoot u miigti suujenye harratane iche inno anatte.

Ibiraaniya 7:10

Iꞌdi tahe Laawi geeddaas ka ma delan. Toro maanti Melkisedeek Aburaaham ꞌhele, Laawihi yomboka ladele, sar aacchihiiski Aburaaham layadeehe goya kijire.

Ibiraaniya 7:12

Iꞌdi tahe wihi laꞌdoono a mehe ya, maanti kuhaaniyyo luurgiyicho, amurre laka a luurgiyicha.

Ibiraaniya 7:13

Kamureenka Chiirnaanneti Waakh woriis kaayyeeddo la, yaaftoo addane kayimiyye, yaaftaas ka la et injire chalagti hoola lakasoorriyoocho ka hili kuhaani haaggiche mele.

Ibiraaniya 9:6

Chirri waha dakkhan ka latannabte ka kuhaaniyyo eema goyaka goonanki oraate geleene, kol dakkhan hilichoki Waakh haaggicheen.