Ibiraaniya 6:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Maantaka orey isohanni, kakhuufnaanki inno Kiriisto kakhuufno ka soonnaanneti ꞌdooꞌdi Kiriisto ka iiꞌd khabo miinsan, a raahno. Wihi Kiriisto miinsane inno kolooraat abanne iꞌdi maanta sohoti omoot keeno inno kasoonokhanni ichoow saggi inno Waakh ikakhuufno illehe, kakunno giꞌde.

Ibiraaniya 6:1 Referans Kwoze

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

2 Koriinto 7:1

Maantaka aalasseeyki an weyti ꞌdoono, Waakh wahaas tuumman a inno iayyiche gone, wihi tuummane sarteen ichoow rubeyteen biꞌdirroocho iskadikhno. Jeenteti inno Waakh ikaroorruu la, orey isohda ꞌdooꞌdi tuum munyee ateeha.

Hilassi Ergaano 26:20

Anna kolooraat ilkerengeetti Damaasko Yeedi Waakh kacheeke. Yomboka ilkerengeetti weene Yeerusaleem ichoow ili Yaꞌhuudiya tuumman ichoow ꞌdooꞌdi Waakh igaranne Yeedi Waakh icheeke. Wihi an cheeke la a saggi icho uskeelicho ikasoonokhtaane icho Waakh ikuurgiyaane, fiddihicho ka saggi icho rumanka uskeel ikasoonokhteen tusaan.

Ibiraaniya 12:13

“Luhlohiin jiti fissan iyeela.” ꞌDee jirotiin ka ma tarrantarrattaane, ma kuftaane, iꞌdaasenyi a miigowtaan.

Mattaayo 21:32

Iꞌdi tahe Yoohanahi Enenyet Baattissiyo a atin iyimiyye ꞌdee jiti fissan atin tusa, atin la usu ma rummeysanne, iꞌdaasenyi ꞌdooꞌdi kooddi goocho ichoow malaayeyyo, iche usú rummeesté. Inkoo atin wahaas tuumman agarteen laka, yomboka uskeeliin ma ꞌdiinne, usu ma rummeysan.

Ibiraaniya 7:11

Amurreti Waakh yaafohi Issiraayel siiche, kuhaaniyyohi yaaf Laawi kanoolneet. Iꞌdaasenyi kuhaaniyyo hilicho saggi Waakh ikaꞌdoono tuum buuhin ma ubaaꞌdan. Jeentetaas gon kuhaanihi uumman nyaakhut nyaakhut Haruun kayimiy menye, ki uumman Melkisedeeke Waakh iꞌdoona.

Efeesso 4:12

Waakh iꞌdane yeele, ꞌdooꞌdi Waakh hili icho Waakh ihilaan itannabicha, ꞌdee urur Kiriistoki sartiise miigowa.

Yoohana 12:44

Yeesso riire wihi us yidah, “Eti tuummane ani irummeesti, ani kalday ma irummeesti, iꞌdaasenyi ki ani isooerge laka a rummeesta.

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Mattaayo 3:2

Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

2 Koriinto 7:10

A mehe oytinti enenyet saggi Waakh iꞌdoono iooyo wihi iche desso a uskeeli lakasoonokhti ribnaanki Waakh enenyet ribo iwoyo. Wahaas ka la et ejer istowo mele. Iꞌdaasenyi oytinti saggi ꞌdooꞌdi harrata liiooyo omoot on dessa.

2 Timooti 2:19

Iꞌdaasenyi ururi rummaate koo Kiriistee iꞌdi tirrinki Waakh u uliba mujjume chuukhanyahe. Wihi kachiiran la kallaayo, “Kamur ꞌdooꞌdi kiise a garta.” Wihi addane kachiiran a mehe ya, “Eti tuummane an Kamure raaha essi, uskeel a ꞌdiicho.”

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Hilassi Ergaano 11:18

Chirri icho waha daageen ka wihi Beetero yeele ꞌdiiꞌdin katabeene Waakh saaꞌdeen. Wihi icho yidaaheen, “Kola ꞌdeerka Waakh yaafohi Yaꞌhuud ieheynan laka uskeel a kasoolaabe, ꞌdee jiro ꞌhelaan.”

Hilassi Ergaano 3:19

Uskeeliin kasoonokhda, Waakh iurgiya, ꞌdee uskeeliin a lahiyyaayo, ꞌdee Kamur a atin imaalo,

Yoohana 14:1

Yeesso toro wihi us abattitiis iyidah, “Amalalina, Waakh kakhuufa, ani laka ikakhuufa.

Marko 6:12

Abatti bahte, Yeedi Waakh cheekte, enenyet tuumman la, “Uskeeliin kasoonokhda,” itidah.

Marko 1:1

Waha a uumacchoti Wori Haaggane, Yeesso Kiriistohi Weeli Waakhe miinsan.

Mattaayo 4:17

Uus maantaas Yeesso Yeedi Waakh ꞌdooꞌd icheeke, wihi us iyidah, “Uskeeliin kasoonokhda, a mehe dakhi goobi Waakh a soodowwaatee.”

1 Yoohana 4:12

Et injire Waákh arge mele. Iꞌdaasenyi chirri inno isꞌdoonno, Waakh goyteen a fiddiya, ꞌdoonintiis la goyteen ka tuume tateeh.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

Yaakoobo 1:4

Maantaka taba miigti atin kagarrahsattaan tuum hiliche a massisso, ꞌdee ꞌdooꞌdi iiꞌdowe ateeha, toro la ꞌdooꞌdi wohoo rucchul laka ikaankhaneynan ateeha.

Ibiraaniya 11:6

Et Waakh ikakhuufine Waakh kahamaadicho mele. Iꞌdi tahe eti Waakh wahan ꞌdoono tuumman, wihi lakaꞌdoono a usuhi saggi Waakh rumanka ijiro, toro us ꞌdooꞌdi usu yowti kalaꞌd iguto, rummeesti.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

Kolossaay 1:28

Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.

Efeesso 2:5

inno ichoow Kiriisto wohoo kaldaye inno kayeele, jiro inno siiche. A mehe jeenteti inno Waakh idaagiwwaaynuu anki Waakh ka a tuunne, iꞌdaasenyi haaggiiski buurenye inno imunneynan ka us a inno ribe.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

Efeesso 2:1

Atin ꞌhor anki Waakh ka ꞌdooꞌdi tuume eheet, a mehe atin wahanyeyyohi Waakh a daagiwwaayteene, toro uskeele yeesseen.

1 Koriinto 13:10

Iꞌdaasenyi chirri wihi buuho yimaateen, wihi ibuuhin tuumman a baabaan.

Hilassi Ergaano 17:30

Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Mattaayo 7:25

Saahka hir ꞌdeye, ꞌduley il khaate, hafari buure laka sookahe min guꞌdde. Iꞌdaasenyi minkaas ma reyin. Iꞌdi tahe mujjume il katoolla.

Mattaayo 5:48

Maantaka saggi Aabbahaahki serey jiro ꞌdooꞌdiis tuum isikasoobahchuu, at laka tuum issoobihiche, ꞌdee wihi Waakh kaaꞌdoono yeel.”

1 Timooti 6:19

Iꞌda ka jiroti soosohatti ka, iꞌdi tirrinki mujjum min tiiruu, hoolahi rummaat yahay a isigessaane, ꞌdee jiroti rummaate jirtuu imassan khabaan.

Luuka 6:48

Etaas a iꞌdi eti min diso, weyti il khute, inti ngꞌaajjee ka daddaabohi ilaat dise. ꞌDuley yimiyye, bicchehi buure minkaas guꞌddeene, iꞌdaasenyi ma sesseehin, iꞌdi tahe mujjume disanyahee.

Mattaayo 21:29

“Wihi us ilaabe, ‘Ma irdi,’ toro iꞌdaasenyi yomboka maliis urgiyiche, gos goya irte.

1 Koriinto 2:6

Chiꞌ nah ꞌdooꞌdi Kiriisto goyaka iiꞌdowe leeyyeeno, wori khara kaleeyyeena. Iꞌdaasenyi waha kharati ꞌdooꞌdi harrata menye ommos ti weynaanti harratane dowwa on baabaato mee.

Kolossaay 3:14

Haaggaas tuumman ꞌdirihicho la ꞌdooꞌdi isꞌdoono ateeha. ꞌDooninti islaꞌdoono la, ꞌdooꞌd Kiriisto tuum wohoo kaldaye kayeessa.