Ibiraaniya 4:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ A mehe chirri goorat Yoochuwa woynaanki us ꞌdooꞌd ili Kaanan iwoyo ka, nasmeti Waakh ꞌdooꞌd iayyiche nasche, Waakh toro ibeenkoo addane nasmetiis laꞌhelo ma kaayyeedo gon.

Ibiraaniya 4:8 Referans Kwoze

Hilassi Ergaano 7:45

ꞌDaꞌddaboka aacchinyeteen eemataas ooyenyeticho kakhaatatte. Maanti iche Yoochuwa raahte, ili iche gelaan eemataas a isitteen. Waakh la orcho raahe yaafohi Waakh igaranne ilaas kajire rihe. Eemataas la ichoowka geeddi karnati Dawuud layadeeh jire tuumman ilaas a kasooꞌhadde.

Ibiraaniya 1:1

Goorat archiiy, Waakh aacchinyeteen geeddi buure ichoow jitassi ittaawe ka a leeyyeede. Ulla ꞌdooꞌdi Waákh íyeyyeedo kaleeyyeede.

Ibiraaniya 4:9

ꞌDeerka nasmeti khummane ꞌdooꞌdi Waakh uliba sugto a jirta.