Ibiraaniya 4:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Uliba laka nasmeti Waakh ꞌdooꞌdoo usu kakhuufo nascho a jirta. Iꞌdaasenyi ꞌdooꞌdi oraate Wori Haaggane meessaas nasme miinsan daage la meessaas ma gelin. Iꞌdi tahe ayti Waakh a daagiwwaayeen.

Ibiraaniya 4:6 Referans Kwoze

Mattaayo 21:43

“Maantaka wihi an atin icheeko, dakhi Waakh a atin lakakhaata yaafti gurnaanki Waakh ꞌdoono desso lasiicha.

Ibiraaniya 4:2

Saggi aacchinyeteen hidaad goyaka Wori Haaggane nasmeti Waakh miinsan idaagtuu, inno laka a daagne. Icho woraas a daageene, iꞌdaasenyi walah us ibahe mele. A mehe chiꞌicho daageen laka, icho Waakh ma kakhuufin.

Hilassi Ergaano 28:28

“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”

Ibiraaniya 4:9

ꞌDeerka nasmeti khummane ꞌdooꞌdi Waakh uliba sugto a jirta.

Galaatiya 3:8

Chiirnaanneti Waakh saggi Waakh berri yaafohi Yaꞌhuud ieheynan kakhuufnaanki icho usu kakhuufaan ka ꞌdooꞌdi fiffissan iekkaacho a cheekte. Waakh ꞌhor on Wori Haaggan Aburaaham icheeke, wihi us iyidah, “Ati ka yaafohi harra tuumman a liimaala.”

1 Koriinto 7:29

ꞌDooꞌd Kiriistokaaw wihi an atin icheeko kallaayo, ibeenneti ankhan a gaabantahe. Uus toolla kakhabatti eti makhaabál khabo, iꞌdi eti makhaabál ikhabin a ijiro.

Ibiraaniya 4:11

Maantaka, tirriinsanni giꞌde, ꞌdee nasmetaas Waakh a nasno. A mehe eti tuummane ayti Waakh daagiwwaaye iꞌdi goorat yaafohi Issiraayel yeeleen u, ullaka nasmetaas ma naso.