Ibiraaniya 4:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Innohi Waakh rummeysanne kaldache nasmetaas Waakh ayyiche ꞌhella, a mehe wihi Waakh aacchinyeteenti usu irummeysan miinsane us yidah kallaayo. “Ani la holeey ka a daadde, ‘ꞌDooꞌda ili an kanascho, yombuu tuumman ma gelo.’ ” Ulla iꞌdaase yidah chirri us hiliiski us harra soouume meessiisti nasme kijirtaayi us orey on massiche laka.

Ibiraaniya 4:3 Referans Kwoze

1 Beetero 1:20

Geeddi harra liisoouumin on usu lasoobahche, iꞌdaasenyi iroonotiin u ibeenneta ꞌdaꞌddaboote lasoobabbakkaahiche.

Ibiraaniya 9:26

Chirri kootte us iꞌdaas yeele la, geeddi buurenye sina lakawaaricha, uus goorat harra lasoouume. Iꞌdaasenyi toolla inno jiro ibeenneticheti yomboot kijiro la, usu maantoo kalday on yimiyye, soorriyoti jirtuu liikanokhan yitahye, ꞌdee miigti uskeel jirtuu tuumman labahcha.

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Ibiraaniya 3:11

Ani la holeey ka a daadde wihi an idah, ‘ꞌDooꞌda ili an kanascho yombuu tuumman ma gelo.’ ”

Mattaayo 13:35

ꞌDeerka wihi goorat eti Waákh íyeyyeedo ka lacheeke labuuhiche. “Chirri an icho leeyeyyeedo, a imammahda, wahanyeyyohi uus an harra soouume dagsaneet icheeka.”

Ibiraaniya 3:14

Iꞌdi tahe chirri inno geeddi inno jiro khabno inno mujjum tolossanne, inno khajjeeli maanti inno kolooraat Yeesso rummeysanne on khabno, inno tuumman Kiriisto a walhinne.

Mattaayo 25:34

“Karnat ꞌdeerka wihi us ꞌdooꞌdi ankiiski miigeet toollo iyadeeh, ‘Kaaleya, atinhi Aabbaheey atin imaale, goobi Waakhe atin liiabbire, uus harra lasoouume atin muꞌdantahiin gela.