Ibiraaniya 4:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Wihi Waakh yidah a iꞌdi wihi jiro khabo, miig laka khabo. Afi Yeedi Waakh leeyahiin la afi birlab laka a kutaane, rubey ichoow uur laka seley a goocha, toro la inti hubno ichoow duh kijiraan seley a goocha. Yeedi Waakh wihi suuje ichoow wihi haaggane uureen kijiro a tusa, mali enenyet ichoow wihi enenyet ꞌdoono dagsan laka mujjume fiiricha.

Ibiraaniya 4:12 Referans Kwoze

Efeesso 6:17

Ribnaanki Waakh atin ribe la iꞌdi koofiyati gaꞌdaare matah walah atin kajeyissuu ichoow Yeedi Waakhe iꞌdi birlabi Rubeyti Munyee u khaata.

1 Beetero 1:23

A mehe toro a delatteen. Delmaattiin ilinti suujowto ma kiimaataane iꞌdaasenyi ilinti jirtuu tuumman ituumine leetimiy. Waha la a Yeedi Waakhe jiro khabo toro jirtuu tuumman ituumin.

Bakkaahit 1:16

Dahantiisti miigeet ka bakkaal teeba khuccha, afiis la birlabi af lehe leeyimiy. Fooliis la a iꞌdi banayhi orrahti maalimeete weyti bildiikhto.

1 'Dessaloonika 2:13

Maanti atin Yeedi Waakhe atin nah kadaagteen khaatatteen, atin saggi yeedi weeli enenyet menye, saggi us rumanka Yeedi Waakh iyahe on ikhaatatteen. Yeeda atin rummeysatteen la a atin urgiyicha. Jeentetuu laka kol dakkhan Waakh kalaꞌd a ilaabna.

Rooma 1:16

An Wori Haaggan ma kuuryaawo. Iꞌdi tahe Wora a miigti Waakhe hol dowto, eti tuummane Kiriisto rummeeste ribto. Koloo ꞌdooꞌdi Yaꞌhuude Kiriisto rummeeste lariba, ꞌdee toro yaafohi Yaꞌhuud ieheynane Kiriisto rummeeste laka lariba.

Bakkaahit 19:15

Afiis la birlabi af lehe us yaafo kabaabiicho kasoobaha. “Ulla wussi gaꞌdaar ka icho a dakhta.” Gurnaanki sabiibe inti gurnaan lakayabti kijiro a yabta. Waha la holi Waakkhi Miig Tuumman Lehe itoollaan.

Efeesso 5:13

Iꞌdaasenyi chirri banay wohoo katoollaan, wahaas wihi icho rumanka yahiin a laarga.

Luuka 8:11

“Wihi mammahe miinsantahe kallaayo. Ilmo a Yeedi Waakh.

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Bakkaahit 19:21

Karnatohicho ichoow kiyaticho tuumman la birlabi eti faraꞌd fuulo afiis kasoobahe bakkiche. Chimbiro tuumman la sarticho yumheene ichoowka dargeen.

Bakkaahit 2:16

Maantaka uskeel kasoonokhda. Chiꞌiche iꞌdaas ieheynan, a amiite birlabi afeey kasoobaho ka ꞌdooꞌdaas diha.

Ibiraaniya 13:7

Bal ꞌdooꞌdi oraate atin woye, Yeedi Waakh atin isoocheeke, kasooꞌhela. Jiroti haaggane icho jireen, wihi iche desse kamalda, toro la atin laka saggichuu Waakh kakhuufa giꞌde.

Hilassi Ergaano 4:31

Inkoo icho weesteen ka, meessi kootte icho kijiraan sesseehte. Rubeyti Munyee la icho tuumman buuhisse, Yeedi Waakh roorro laan cheekeen.

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

Bakkaahit 2:23

ꞌDooꞌdi iche raaho a bakkicha, ꞌdee urur Kiriisto tuumman saggi an uur ichoow mali weeli enenyet ifiiricho rumanka abta. Ebba wihi us yeelo ichoow wihi an guto a israahaan.

Bakkaahit 20:4

ꞌDeerka komborohi antoot arge, ꞌdooꞌdi komboroha kafiddiyo la, antohi icho ꞌdooꞌd kahukkumaan a lasiiche. Toro ꞌdooꞌdi jeenteti us wori rummaate koo Yeessee ichoow Yeedi Waakh icheeko matahenye laaggooche arge. ꞌDooꞌda la a ki binahi oraat ommos iyookkoti binahaas iwahanne toro sumatti binahaas miinassicho ommos dahanohicho ka iꞌhelin. Icho la omoot a lakasookahche, guꞌh alifoo Kiriisto harra leedakhtaan.

1 'Dessaloonika 5:23

Toollaka Waakkhi nebey leh ba tuum atin munyaacha. Waakh ba rubeyohiin ichoow uurassiin ichoow sartiin ba tuum el tuumman kasoohossa, ichoowka ibeenki Yeesso Kiriistohi Kamureene soonokhti yateeh.

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

Yaakoobo 1:18

Maliis ka wihi us gooche, a ki us yeediiski rummaat ka jiroti husub inno siicho. Iꞌda ka wihi us soouume tuumman goyaka, wihi us soobahsate orate nateeh.

2 Koriinto 2:17

A mehe nah iꞌdi ꞌdooꞌdi buurenye Yeedi Waakh cheeko ꞌdee chilimme kaꞌhelo mee. Iꞌdaasenyi nahi koo Kiriistee, a ergaanoti Waakh sooergate. Wori khollokkhan mee cheekno.

1 Koriinto 1:24

Iꞌdaasenyi ꞌdooꞌdi Yaꞌhuud ichoow ki Yaꞌhuud ieheynane Waakh wahe ka, wora a koo Kiriistohi miigti Waakhenye toro la kharati Waakhe.

Hilassi Ergaano 5:33

Jaldaabe la chiꞌiche wahaas daagte ka, weyti hollowte, ergaano ogoos ꞌdoonte.

Yoohana 12:48

Eti ani iꞌdiiꞌdo toro yeedeey ikhaatan, wihi hukkumo a jiraan. Yeedaas an idah rubeytiissa ibeenki yomboot etaas sina igoochá.

Hilassi Ergaano 7:38

Maanti ꞌdooꞌdi Issiraayel hidaad ka iskafurte, Muusahaase leejire. Muusahaase Hali Sinnaay ka, Waakh iꞌdi herti Waakh u isoobahe, leeyyeede. Ulla Waakh ichoow aacchinyeteen dahcho kajire. Muusa la Yeedi Waakhe jirtuu tuumman imassan Waakh kaꞌhele inno laka inno isookucche.

Efeesso 5:26

Kiriisto la iꞌdane yeele, ꞌdee dikhnaanki us bicche ichoow Yeediis ka dikhe ka ururiis munyaacha.

Ibiraaniya 6:5

Icho rubeyohicho ka chinniti Yeedi Waakh ichoow miigti maanti Waakh enenyet soodakhti a chanchameen.