Ibiraaniya 4:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ A mehe eti tuummane nasmetaas khummane Waakh ꞌdooꞌd iayyiche naso, ullaka hiliis ka a nasa saggi Waakh hiliiski uumaccho ka inasuu.

Ibiraaniya 4:10 Referans Kwoze

Bakkaahit 14:13

Hooyoo toro goobi Waakh kayamiit daage, wihi us yidah, “Waha chiir, uus toolla kakhabatti, eti tuummane usu ichoow Kamur wohoo kalday yahiine yamuut a liimaala.” Rubeyti Waakh la wihi iche soolaabte, “Aa, a rum. Hili miigenye icho haaggicheen ka a nasaan. Icho a liimaala a mehe haaggi icho yeelaan ꞌdubichooda raaha.”

Ibiraaniya 10:12

Iꞌdaasenyi kuhaaniha koloo kalday on issoobahche, soorriyoti uskeel bihisso, jirtuu tuumman liikanokhan yitahye, Waakh anki dahantiisti miigeet orronte.

Yoohana 19:30

Chirri us farsota surrukhe ka Yeesso wihi us yidah, “Walah tuumman a massateen.” Wahaas ka matah soolugꞌde, rubey gooche.

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

Ibiraaniya 4:9

ꞌDeerka nasmeti khummane ꞌdooꞌdi Waakh uliba sugto a jirta.

Bakkaahit 6:11

Kooba ꞌdeerka kabuuꞌdoo dakhan lasiiche, iꞌdaaru nasa ichoowka tiri ilbooyyeti wahalhicheenye toro Kiriisto rummeysatte iꞌdichuu lasoobakkicho a labuuhicho liidah.