Ibiraaniya 3:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Muusa goorat iꞌdi ilbooy u, eti rumanka hili minki Waakh ka lakakhuufe eheete, ulla wihi Waakh berri sooyadeehe cheeke.

Ibiraaniya 3:5 Referans Kwoze

Ibiraaniya 3:2

Yeessohi Waakh soobahsate la, wihi Waakh yeel iyidah tuumman ka a eti lakakhuufe, saggi Muusa hiliiski minki Waakh ka eti lakakhuufe ieheet u.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Ibiraaniya 8:5

Meessi lagane icho hili Waakh kahaaggichaan a oosim ichoow iyookkoti wihi goobi Waakh kajiro. Jeentetane maanti Muusa eemati Waakh lakawahti disin leheet, Waakh itootooche, wihi us iyidah, “Tabe, wihi at haaggisso tuumman ichoow iyookkoti goorat hali Sinnaay sartiis ka an kituse a israaheen.”

1 Timooti 1:12

An Yeesso Kiriistohi Kamureene weyti kalaꞌd ilaaba. Us a imiigooche toro eti lakakhuufo iekkaache, hiliis ikorche.

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.

Rooma 3:21

Toollaka Waakh jiti us ꞌdooꞌdi fiffissan inno iekkaacho a soobabbakkaahiche. Jita la ki amurre laraaho menye, a jiti goorat archiiy Chiirnaanneti amurre Muusa ichoow ti ꞌdooꞌdi Waákh íyeyyeedo cheekte.

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Luuka 24:27

Yeesso la wihi goorat usu miinsane Chiirnaanneti Waakh goya kachiiran ibabbakkaahiche. Uus buuggag Muusa lakasookhabti ichoowka buuggassi ꞌdooꞌdi Waákh íyeyyeedo chiireen tuumman icheeke.

1 Koriinto 4:2

Ilbooyi walah dahanohiis lagesse, usuhi saggi us eti rumanka lakakhuufo iyahe tuso iche laꞌdoona.

Hilassi Ergaano 7:37

“Muusaha a ki goorat ꞌdooꞌdi Issiraayel, ‘Waakh ꞌdee berri etiinkoo Waákh íyeyyeedo iꞌdeye a atin isooerga,’ iyidah.

Luuka 12:42

Kamur wihi us ilaabe, “Kamalda bal, ilbooyi weene lakakhuufo toro kharee a ayyo? A ki kamuriis ilbooyyetiis dahantiis gesso ꞌdee sahaꞌddi mujjume ka ilbooyye goollicho.

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Mattaayo 24:45

“Kamalda bal, ilbooyi lakakhuufo toro kharee a ayyo? A ki kamuriis goobiis iweynaache, toro la geeddi mujjume ka ilbooyye kamuriis gololicho.

Ibiraaniya 1:1

Goorat archiiy, Waakh aacchinyeteen geeddi buure ichoow jitassi ittaawe ka a leeyyeede. Ulla ꞌdooꞌdi Waákh íyeyyeedo kaleeyyeede.

Ibiraaniya 3:4

Min ba eti diso a khaba gone, iꞌdaasenyi Waakh usu walah tuumman iꞌdi icho yahiin kayeele.

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.