Ibiraaniya 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Yeessohi Waakh soobahsate la, wihi Waakh yeel iyidah tuumman ka a eti lakakhuufe, saggi Muusa hiliiski minki Waakh ka eti lakakhuufe ieheet u.

Ibiraaniya 3:2 Referans Kwoze

1 Timooti 3:15

Iꞌdaasenyi chiꞌ wohoo imalmalicheen laka, khadaaba a kisoochiira, ꞌdee jiroti innohi ururi Waakhe incheenka jirro abatta. Urura Waakh a ki Waakkhi jirtuu tuumman jiro, a tirrim ichoow daddaabohi ilaate runti Waakh tiiro.

Efeesso 2:22

Atinhi Yaꞌhuud ieheynan ichoow Kiriisto a wohoo kalday gone, Kiriisto atin ichoow Yaꞌhuud ba a atin isikeena, ꞌdee minka Waakh Rubeytiis ka igelo atin tuumman tateehiin.

Ibiraaniya 2:17

Jeentetaas u sagag tuumman ka iꞌdi ꞌdooꞌdi uuriisenye yitahye, kuhaanihi weyti weene hili Waakh ka lakakhuufo toro uur nugul yitah. Ulla toro iꞌdane yeele, ꞌdee soorriyoti holi Waakh laabto bahcha, ꞌdee Waakh uskeeli weeli enenyet kakuta.

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

1 Timooti 1:12

An Yeesso Kiriistohi Kamureene weyti kalaꞌd ilaaba. Us a imiigooche toro eti lakakhuufo iekkaache, hiliis ikorche.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Yoohana 8:29

Ki isooerge la ma ikatabine, a ileejira, iꞌdi tahe an kol tuumman wihi usu kahamaadicho on yeela.”

Yoohana 7:18

Eti wihi awtiissa on ꞌdooꞌd abcho, magahe isiyowta. Iꞌdaasenyi eti magahi eti sooergate koolo iꞌdoono, a eti rummaate, walah khollokkhane usu miinsan mele.