Ibiraaniya 3:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌd Kiriistokaaw taba giꞌde, uus etiinkoo kalday laka matahmiigti Waakh liirummeysanne Waakkhi jiro lakatabo khabin giꞌde.

Ibiraaniya 3:12 Referans Kwoze

Ibiraaniya 12:25

Taba giꞌde Waakkhi yeeda atin idowo aꞌdiiꞌdina. A mehe chirri goorat yaafohi Issiraayel Muusahi harrata ka leeyyeede yeediis ꞌdiiꞌdeene iche ibahsawwaaytuu, inno laka sag inno iꞌdaaru laka ibahsanni mele chirri inno eti goobi Waakh kasooyyeedo adah kakhabanne.

1 Koriinto 10:12

Maantaka eti tuummane kol us mujjum toollo iskoog, a isyuubsati giꞌde uus kufinee.

Ibiraaniya 10:38

Iꞌdaasenyi eteeyki fissan ani ikakhuufa, kakhuufnaankaas ka jira. Eti adah ikakhabti, ma kahamaado.”

Ibiraaniya 12:15

Taba aw isikhaba, uus ꞌdee etiinkoo kalday laka haaggi Waakhe buurenye us atin tuste waayine. Uus etiinkoo kalday laka iꞌdi hiiyyi hadaado khabo soobaho sina keeno, toro enenyet suujaacho itaahan.

Ibiraaniya 3:10

Ani la jeentetaase kholotaas ikahollowe, wihi an idah, ‘Uurassicho kol dakkhan baabaa iche kijiraane, jitasseey la ma garan.’

Marko 13:33

Taba isyaakhicha! Toorribda! Ibeenki sahaꞌddaas tateeh ma garattaanee.

Mattaayo 24:4

Yeesso wihi us ilaabe, “Yuubsada, uus etoo kalday laka atin ekkeysan!

Marko 13:9

“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.

1 'Dessaloonika 1:9

Iꞌdi tahe icho rubeycho saggi atin goorat nah imartisatteen ichoow saggi atin iyookkoyyohi beenaate Waakh lakayeessi atin orey wahatteen ikasoonokhatteene, ꞌdee atin Waakkhi jiro toro rummaat ikafassaan a cheekaan.

Rooma 11:21

A mehe Waakh chirri goorat liikhimohi ꞌhor geey kijire iꞌdiin, atin laka ma atin ꞌdiicho gon.

Luuka 21:8

Wihi us ilaabe, “Yuubsada, uus atin leekkeysan. A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi toro ‘Ibeen a soodowwaate,’ essi a agartaan. Icho araahina.

Marko 13:23

Isyaakhicha giꞌde! Walah dakkhan geeddi il ankhayyahe a atin isoocheekee.

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Kolossaay 2:8

Taba giꞌde uus etoo kalday laka malassi beenaate indigir laa ka atin ekkeysanne iꞌdi bowꞌduu atin labooliyin. Malassa la wihi Kiriisto essi ma kanoole, hugumme ichoow miigti suujenye harratane kanoolyahiin.

Ibiraaniya 3:1

Maantaka ꞌdooꞌd Kiriistoki munyeenye Waakh goobiis iwahe, Yeessohi kakhuufnaanki inno Waakh kakhuufno inno cheekno ka, Waakh ergaano ichoow kuhaanihi weyti ween kayeele kamalda.

Ibiraaniya 3:19

Wihi ꞌdeerka inno abanni, ꞌdooꞌda Waakh ma kakhuufin gone, ilaas icho kanasin leheet a latirte.

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

Ibiraaniya 10:31

A roorroti weyti buure chirri Waakkhi rumanka jiro inno khabte.

Ibiraaniya 12:22

Iꞌdaasenyi atin Hali Saayone isoodowwaatteen. Waha la a ilkerengeetti weene Yeerusaleeme goobi Waakh kijirto, a ilkerengeetti Waakkhi jiro. Waha la a inti herti Waakhe eluffe goosso, hamaad ka kulante.