Ibiraaniya 2:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdaasenyi wihi inno agarro a Yeessohi Waakh iꞌdaaru herti Waakh kasoonuglaache. Iꞌdaasenyi jeenteti sina ikawaarte us iyumuy u, Waakh toolla usu ꞌduub a korche, weynaache, a liinkaanyita. Iꞌda ka haaggi Waakhe buure ka, Kiriisto meessi weeli enenyet tuummane kayamuut.

Ibiraaniya 2:9 Referans Kwoze

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

1 Yoohana 2:2

Usu goorat lasoorriyooche, ꞌdee holi Waakhe uskeeleen keeno bahcha. Jeenteti soorriyotiis u la, Waakh uskeeleen kalday ma bahcho, iꞌdaasenyi uskeeli weeli enenyet tuummane bahcha.

Rooma 5:18

ꞌDeerka saggaas amuroo kaldaye lajebcho hukkunki Waakh weeli enenyet tuumman hukkumo sina igoocho keenuu, saggaas on u, wihi kaldaye fissane etoo kalday yeele keeneen ka Waakh weeli enenyet tuumman ꞌdooꞌdi fiffissane iekkaacha, jiro siicha.

Hilassi Ergaano 2:33

A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin.

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

2 Koriinto 5:15

Ulla enenyet tuumman a iyumuyye ꞌdee eti tuummane jiro uus saggi us awtiis u iꞌdoono ijirine, iꞌdaasenyi saggi Kiriisto iꞌdoono a ijiro. Iꞌdi tahe Kiriisto a yumuyye Waakh la iroonotichuu usu omoot kasookahche ꞌdee icho la jiraan.

Ibiraaniya 10:5

Maantaka, maanti Kiriisto harrata yimiy, wihi us Waakh iyidah, “At soorriyo ichoow wihi lakisoobahche ma ꞌdoonin, iꞌdaasenyi at ani sar a iyeesse.

Rooma 5:8

Iꞌdaasenyi Waakh saggane geeddi us inno ꞌdoono inno tusa, ꞌdooꞌdi uskeel leh nahaayi, Kiriisto inno iyumuy.

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Yoohana 12:32

Iꞌdaasenyi ani maanti massalaaba ka serey liiokkhicho, weeli enenyet tuumman ankaaya keena.”

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

Ibiraaniya 8:3

Kuhaanihi weyti ween tuumman hiliis a ki us siimo ichoow soorriyoyyo Waakh ibahcho. ꞌDeerka kuhaaniheenki weyti ween laka a imasse chirri us Waakh wohoo ibahcho.

1 Timooti 2:6

Yeessoha la iꞌdaanu rubeytiis diibe, ribnaanki weeli enenyet tuumman gute. Omoot Yeesso Kiriisto ka, ibeenki mujjume ka Waakh saggi us weeli enenyet iribo a tuse.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Rooma 8:32

Waakh Weeliis laka ma inno karimmanne, soorriyoteenna yitah! Waakh Weeliis a inno siiche. Maantaka haaggiiski buure ka walah tuumman usu a inno leesiicha.

Galaatiya 4:4

Iꞌdaasenyi maanti ibeenki Waakh gooche yitah ka, Waakh Weeliis sooerge. Iꞌdi weeli enenyet u arantoo desse, dakhi amurre Muusa goya kadesse,

Hilassi Ergaano 3:13

Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Yoohana 10:17

Aabbaheey jeenteti us ani iꞌdoono, a jeenteti an jiroteey ibahcho, ꞌdee toro ꞌdaꞌddaboka an omoot ka isookaho.

Yoohana 8:52

Jeenteti waha u, ꞌdooꞌdi Yaꞌhuud wihi us yidah, “Ya! Toolla saggi rumanka ginna kidakhatti a abanne. Aburaaham a yumuyye, ꞌdooꞌdi tuummane Waákh íyeyyeedo laka a tuume. Iꞌdaasenyi at mehe elatta ya, eti tuummane wihi at abisso raaho jirtuu ma yamuut.

Mattaayo 16:28

Rume atin icheeka, gaasiinkoo maanta inta kijiro, omoot ma argo geeddi icho Ínam Aadamhi dakhiis khabaayi yamiit iargin.”

Bakkaahit 19:12

Indohiis la iꞌdi ꞌdab u a bildiikhaane, matakkiis ka la ꞌduubassi ittaawenye khaba. Sartiis magahoo kachiirane, iꞌdaasenyi usu on garta, et addane wihi magahaas tahe garti mele.

Ibiraaniya 2:7

At icho herti Waakh geeddoo nucchul on kasoonuglaasse, a iꞌdoo at ꞌduub korisse at saggi at iweynaasse toro la liinkaanyito at irummaasse,

Luuka 9:27

Rume atin icheeka, gaasiinkoo maanta inta kijiro, omoot ma argo geeddi icho dakhi Waakh iargin.”

Marko 9:1

Toro wihi us iyidah, “Rume atin icheeka, gaasiinkoo maanta inta kijiro omoot ma argo, ichoowka dakhi Waakh miig khabaayi yamiit.”

Mattaayo 6:28

“A iꞌdoh jeenteti gaadeet u waꞌdwaaꞌd ikhabtaan? Bal fiikhti bahto yeya. Hil iche haaggisso gaad isikayowatti mele.

Yoohana 8:51

Rume atin icheeka, eti tuummane wihi an abcho raaho, jirtuu ma yamuut.”

Ibiraaniya 1:9

At wihi fissane ꞌdoonta, hugunꞌdarri la ꞌdiiꞌdda. Jeentetaase anihi Waakkhaahe, subakki geeyi oolife hamaad keeno matah ikaasubhe, wahalhaah goyaka kikucche.”

Ibiraaniya 11:5

Eenog la kakhuufnaanki us Waakh kakhuufe on ka ma umaatan. Noolyahaayi Waakh rubeytiis goobi Waakh geeche, Eenog lawaaye. Iꞌdi tahe geeddi liikhaatin, saggi us eti rumanka Waakh kahamaadicho iyahe iche lacheeke.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.