Ibiraaniya 2:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ toro la icho eti walah tuumman anti kayeesse.” Wihi yeeda yadeeh, Waakh weeli enenyet eti walah tuumman anti kayeele, walah us kalaabte mele. Iꞌdaasenyi toolla weeli enenyet usuhi walah tuumman itoollo ma agarro.

Ibiraaniya 2:8 Referans Kwoze

Yoohana 13:3

Yeesso saggi Aabbahiis walah tuumman dahantiis igesse a garta, saggi us Waakh ikayimiyye us toro Waakh ikanokhti a garta.

1 Koriinto 15:27

Iꞌdi tahe “Waakh anto tuumman usu siiche.” Yeeda, “Anto tuummane,” siiche yadeeh, a ꞌdowe, Waakkhi anto tuumman Kiriisto siiche rubeytiis goya ma kijiro.

1 Beetero 3:22

Kiriisto la goobi Waakhe inokhte, Waakh dahantiisti miigeet orronte, herti Waakh tuumman ichoow wihi tuummane goobi Waakh ka anto ichoow miig leh ba afiis ma kutaan.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Ibiraaniya 1:13

Hertoh Waakhe injire Waakh iꞌda iidah, “Dabankeeyki miigeete antoot orrommo ichoowka chiiytaah tuum dahanohaah a soogesso?”

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Ibiraaniya 2:5

Waakh herti Waakh mee antohi jiroti harrati soosohatti, nah woriche kaayyeeno siiche.

Yoohana 3:35

Aabbaheen weeliis a ꞌdoona, walah tuumman la dahantiissa gesse.

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Ibiraaniya 1:2

Iꞌdaasenyi, ibeenneta ꞌdaꞌddaboot ka, Waakh Weeliissa inno kaleeyyeede. Weeliiska a ki Waakh soobahsate walah tuumman dalho, toro la a ki Waakh usu ka harra tuumman soouume.