Ibiraaniya 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Maantaka, jeenteti wihi Waakh yeeluu, runta inno daagne weyti mujjum khabanni giꞌde, uus inno inti inno isoohanni bujine.

Ibiraaniya 2:1 Referans Kwoze

Luuka 8:15

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

2 Beetero 3:1

Aalasseeyki an weyti ꞌdoono, waha toolla a khadaabeeyki lammaatteete an atin isoochiire. Khadaabbe lammache ka wihi atin ꞌhor abatteene atin kasooꞌhelcha, ꞌdee mali haaggan khabtaan.

2 Beetero 1:15

Hol la a dowa saggi ꞌdee inkoo an umuy laka atin kol dakkhan waha ikasooꞌhessaan yeela.

Ibiraaniya 12:5

Atin la wihi Waakh iꞌdi nyaakhutiis u atin iyidahye uur atin miigoocho, a kadabteen, “Nyaakhutaaw, sooholinti Kamur atin soohosso nabah isuda, toro la geedda us atin khuncho uus rubeye atin jebin.

Marko 8:18

Indo a khabtaane, iꞌdaasenyi walah atin agartaan mele! Nabho la a khabtaane, iꞌdaasenyi walah atin daagtaan mele! Toro ma kasooꞌhessaan a?

Mattaayo 16:9

Atin uliba walah ma abanna? Atin makaate chanti an mejeli alif chane kagoolliche ma kasooꞌhessaan a? Atin la enjel geeddoh bubbuuhto soolaabteen?

Luuka 9:44

“Taba waha an atin isooadeeh mujjum nabah isuda! Ínam Aadam dowwanoha ka ꞌdube lagoocha, dahanohi enenyet lagessa.”

Yoohana 8:59

Jeenteti waha u dagah okhsatte, usu saataa. Iꞌdaasenyi Yeesso dagte, dagsi ka uranti minki Waakhe buure kabahe.