Ibiraaniya 13:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Enenyet tuumman mindischo a inkaanyito. Makhaabal ichoow makhaabál ba la uus icho etoo addan leeurꞌdin. Iꞌdi tahe Waakh ꞌdooꞌdi iꞌdaase ichoow ki sohoꞌddarri kaassohti rumanka a hukkuma.

Ibiraaniya 13:4 Referans Kwoze

Galaatiya 5:19

Wahanyeyyohi wihi uurasseen goya kijiro uskeel imoono yeelaan a ꞌdow on. Waha a iꞌdi maanta ꞌdooꞌdi isidisanne isleeurꞌdo, wihi biꞌdire, sohoꞌddarri,

Galaatiya 5:21

kalꞌdarri, meleefu ichoow daawohi biꞌdire ichoow wihi iꞌdaase tuumman. Orey a atin tootooche, toro maanta a atin tootoocha, ꞌdooꞌdi jiroti iꞌdee jiro, dakhi Waakh ma gelo.

1 Koriinto 6:9

Saggi eti uskeel leh dakhi Waakh igelin ma garattaan a? Iisekkeysanna ꞌdooꞌdi isidisanne isleeurꞌdo ichoow ki iyookkoyyohi waakkhakh lakayeessi wahti ichoow eti makhaabassi tiis ieheynan leeurꞌdo ommos mejeli mejel leeurꞌdo,

1 Koriinto 5:13

Waakh rubeytiissa ꞌdooꞌdi urur Kiriisto ieheynan hukkuma. Iꞌdaasenyi iꞌdi Chiirnaanneti Waakh kachiiran u, “Eti uskeel kijiro, goytiin kabahcha.”

Efeesso 5:5

Waha tissiba giꞌde, eti sohoꞌddarri kaassohti ommos eti biꞌdire ommos eti ꞌdamaame, eti iꞌdee wihi us ꞌdamaam iyahe waakkhakh kayeessa gone, koo kaldaye dakh Kiriisto ichoow dakhi Waakh muꞌdan mele.

1 Timooti 3:12

Toro la eti urur Kiriisto gargaaro a eti arantoo kalday on khabo, nyaakhutiis ichoow goobiis ba saggi mujjume idakhti.

1 Timooti 3:4

Toro la a eti goobiis mujjum dakhti, nyaakhutiis inkaanyit ka yeediis daago.

1 Koriinto 7:38

Maantaka eti min diste a haaggiche, iꞌdaasenyi ki min idisan jiti weyti deefo tabe.

Bakkaahit 22:15

Iꞌdaasenyi ꞌdooꞌdi ilkerengeetta khariche kijiro, a ki isbiꞌdirroocho, ꞌdooꞌdi tibaato khabo ichoow ki sohoꞌddarri kaassohti ichoow ki enenyet dubunuunu yagiis ichoow ki iyookkoyyohi waakkhakh lakayeessi wahti ichoow ki been ꞌdoono toro kol dakkhan been goocho.

Tiito 1:6

Wihi Waakh gooche, eti urur Kiriisto woyo, a eti wohoo rucchul laka liikacheekan, a makhaabali makhaabassoo kalday on khabo, nyaakhutiis Kiriisto rummeeste, nyaakhutiis uskeeli buurenye iꞌdaanu layeelo ichoow yeeddaagiwwaayyo liikacheekan.

1 Timooti 5:14

Maantaka wihi an ꞌdoono muunkhoyyohi nunnugul toro a ladiso nyaakhut a deleene, goobassicho a woywoyeen. Iꞌda ka chiiytankeen jit us inno kahanti mele.

1 Timooti 4:3

ꞌDooꞌda mindischo enenyet tirta. Toro la gololleti Waakh on sooumhe ꞌdooꞌdi Kiriisto rummeeste rum abte kootte Waakh kalaꞌd ilaabo isleeyaham enenyet uumhana idowa.

2 Koriinto 5:10

Iꞌdi tahe inno tuumman komborti Kiriisto enenyet kahukkumo orcheeda kasoobahna, ꞌdee ebba haag ommos suujoonki us geeddi us sartiis khabo yeele ka laguta.

1 Koriinto 9:5

Nah iꞌdi ergaanoti addan u ichoow iꞌdi walaalinye Kamureen ichoow Keefas illeh u, deyyehoteenyoti too Kiriisteenye nah walhisso ma muꞌdan a?

1 Timooti 3:2

Wihi Waakh gooche, eti urur Kiriisto yaakhicho a eti eloo rucchul laka liikacheekanne, makhaabassoo kalday on khabo, wihi us yeelo tuumman ka isjeycho, inkaanyit khabo, goobiis ka ꞌdooꞌd martiisti, ꞌdooꞌd Kiriisto walah abin yabuuꞌd.

Ibiraaniya 12:16

Uus etiinkoo kalday laka sohoꞌddarri kaassohanne, ommos iꞌdi Essaawohi Waakh inkaanyitiwwaaye itaahan. Ulla jeenteti gololi koloo kalday on ka, antohiiski teyyannoon ororiche.

1 Koriinto 6:18

Taba, sohoꞌddarri kafirda. Uskeeli addane enenyet yeelo tuumman, koo sar uskulaacho mele. Iꞌdaasenyi eti sohoꞌddarri kaassohti sartiissa uskulaacha.

1 'Dessaloonika 4:6

Toro la etoo Kiriisto rummeeste jita ka iikhufine, ommos makhaabassiis aleeurꞌdin. Iꞌdi goorat nah atin inidahye nah atin itootoonnuu, Kamur eti tuummane uskeela yeele, moge kagutta.