Ibiraaniya 13:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDooꞌdi Kiriisto rummeeste tuumman la orey a isohti, a isꞌdoono giꞌde.

Ibiraaniya 13:1 Referans Kwoze

1 Yoohana 4:20

Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.

1 Beetero 3:8

Ayti ꞌdaꞌddaboot, taba atin tuumman maloo kalday khaba, uur isinugleesda, iꞌdi ꞌdooꞌdi uuroo kaldaye u isꞌdoona, isnuglaacha.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

2 Beetero 1:7

Jiroti Waakh kahamaado la uuri ꞌdabakhe kakhaya, uuri ꞌdabakhe la ꞌdoonin kakhaya.

1 Beetero 2:17

Taba enenyet tuumman inkaanyita, ꞌdooꞌdi addane Kiriisto rummeeste ꞌdoona, Waakh karoora, karnat la inkaanyita.

Ibiraaniya 10:24

Saggi inno uur isimiigoonno, ꞌdee ꞌdoonin isikhabno, haag la isiyeello kamalanni giꞌde.

2 'Dessaloonika 1:3

ꞌDooꞌd Kiriistokaaw, nah kol dakkhan jeentetiin u Waakh kalaꞌde ilaabna. Waha la a wihi mujjumenye kootte nah imale, jeenteti atin weyti ikakhayantaane, Waakh ikakhuuftaane, ꞌdooninti atin isikhabtaan la ikakhayantuu.

1 Beetero 4:8

Walah tuumman ꞌdirihicho la, weyti isꞌdoona. Iꞌdi tahe ꞌdoonine uskeeli buurenye kakutta.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Galaatiya 5:13

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.

Bakkaahit 2:4

Iꞌdaasenyi waha a atin kakhaba, saggi atin uumaccho ka ani iꞌdoontaan kola ma iꞌdoontaan.

1 Yoohana 3:23

Amuri Waakh inno siiche kalla, Yeesso Kiriistohi Weeliise rummeesda, toro la saggi us amur inno isiichuu, isꞌdoona.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Yoohana 15:17

Amurreteey taacheyye, taba giꞌde isꞌdoona.

Efeesso 5:2

Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.

Efeesso 4:3

ꞌDeerka hol dowa, nebeyti atin iskaleefiddiitaan ka wohoo kaldaye Rubeyti Waakh atin kayeesse khuccha.

Hilassi Ergaano 4:32

ꞌDooꞌdi Kiriisto rummeeste tuumman uuricho ichoow malicho a koo kalday. Et, “Waha a wahaaya, waha weheey mee,” yadeeh mele. Iꞌdaasenyi wihicho tuumman a isleegismeen.

Hilassi Ergaano 2:1

Ibeenki daawti Beentekos soomarte ka, ꞌdooꞌd Kiriisto tuumman intoo kalday kasoourure.