Ibiraaniya 11:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Aabel kakhuufnaanki us Waakh kakhuufe on ka, iche soorriyoti too Kaayin kussan Waakh ibahche. Jeenteti kakhuufnaankaas u, Waakh saggi usu eti fissan iyahe cheeke, soorriyotiis la kahamaade. Aabel Waakh a kakhuufe gone, chuꞌus toolla ijirin laka, usu a iꞌdoo us uliba inno leeyyeedo on.

Ibiraaniya 11:4 Referans Kwoze

Ibiraaniya 12:24

Toro la Yeessohi dahgeleenye ayyinti husube Waakh gooche keene, iche isoodowwaatteen. Diiggiis a liirdifte, ꞌdee Waakh enenyet uskeel ikakuta. Diigga iꞌdi diig Aabelki eti aal guto yowti mee.

Yuuda 1:11

Sinati icho sugto eenna a buure. A mehe icho jiti suujenye goorat Kaayin tabe tabeen! Toro la jeenteti icho chilim iꞌdoonaan u, uskeeli goorat Baalam gele icho laka ioryeen. Icho laka yeeddaagiwwaayyo katuumaan iꞌdi ꞌdooꞌdi goorat Koorah woyo Kamur daagiwwaayuu.

Mattaayo 23:35

Jeentetaas u la, diiggi ꞌdooꞌdi fiffissane harra kakhubte tuumman berri atine atin fuula, uus diig Aabelhi fissan lakasookhabti ichoowka ínam Barachiiyahi magahiis Sakkariiya layadeeh. Ulla minki Waakhe buure ichoow chalagti hoola lakasoorriyoocho dahchooda dubunuunu kayigaaseen. Atin laka uskeelaas a leegesseen gon.

Ibiraaniya 9:22

Rumanka amurre Muusa ka la, walah buurticho diig on dikha. Sammata diig ikhuban la, Waakh enenyet uskeel ma ikakuto.

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.

Luuka 11:51

Uus ogoos Aabel kasookhabatti ichoowka ogoos Sakkariiyahi chalagti hoola lakasoorriyoocho ichoow minki Waakhe buure dahcho lakayigis eleessa. ꞌDooꞌdi iꞌdee la wahaas tuummane lakahukkuma.

Tiito 1:16

ꞌDooꞌda Waakh a garanna essa, iꞌdaasenyi jiroti icho jiraan ka Waakh a ꞌdiiꞌddanyahiin. Weyti laꞌdiiꞌddanyahe, yeed ma daagaane, haaggoo rucchul laka yeelin ma yabuuꞌdiin.

Ibiraaniya 5:1

Kuhaanihi weyti ween tuumman ꞌdooꞌd goya lakasoobahcha. Hilicho la, a ki icho wihi Waakh miinsan ka, meessi enenyet ka Waakh ifalaane, siimo ichoow soorriyoyyohi uskeel bahcho Waakh ibahchaan.

Ibiraaniya 11:2

Iꞌdi tahe kakhuufnaanki ꞌdooꞌdi goorat archiiy Waakh kakhuufe on ka, iche Waakh saggi us icho ikahamaade icheeke.

2 Beetero 2:8

A mehe eta fissan kol dakkhan goychooda yiille, ulla chirri us kol dakkhan uskeeli ꞌdooꞌda yeele arge toro la daage rubeytiis ka weyti bolkhe.