Ibiraaniya 10:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Iꞌdi tahe diiggi heeraroot ichoow ki waharoot koloo kalday laka uskeel ma bahchaan.

Ibiraaniya 10:4 Referans Kwoze

Ibiraaniya 10:11

Kuhaaniyyo ebba maan dakkhan chalag ortiis ka hiliissa haaggicha, soorriyoyyohaas koloo kalday laka uskeel ibihin babbahchaan.

1 Yoohana 3:5

Iꞌdaasenyi saggi Yeesso iyimiyye ꞌdee uskeeleen inno ikabahcho a garattaan. Ulla uskeeloo rucchul laka ma yeelin.

Rooma 11:27

Waha la a ayyinteeyti an icho igooche, maanti an uskeelicho tuumman kabahcho.”

Ibiraaniya 10:8

Kiriisto ꞌhor Waakh wihi us iyidah, “At hoolahi lakisoorriyooche ichoow siimohi lakisoobahche ichoow hoolahi tuum chalag ka lakigube, ommos soorriyoyyohi jeenteti uskeeli enenyet liibahche, ma ꞌdoonine ommos ma kahamaadin.” Ulla chirri soorriyoyyoha amurre Muusa ꞌdoonto laka, iꞌdaas on yidah.

Ibiraaniya 9:9

Waha dakkhane ayyinti oraat miinsan weyꞌda mehe itoollaan ya, siimo ichoow naffi Waakh liisoorriyoocho, rubeyti etane uskeel ikacheekan dikhin ma yabuuꞌdiin.

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Marko 12:33

Kamuri Waakkhaahe uuraah tuumman ka ichoow garanti at walah garatti tuumman ka ichoow miigtaah tuumman ka ꞌdoon. Ichoow ollokkaah geeddi at isꞌdoonto, ꞌdoon. ꞌDooninta naffi tuum Waakh liigubo ichoow soorriyo tuumman a kutta.”

Ibiraaniya 10:1

Amurre Muusa a oosinti wihi haaggane soosohti one, wihi rummaat mee. Amurretaas ka soorriyoyyo a wihi guꞌhi soomaro tuumman ka liinonnokhti lahaaggicho. Iꞌdaasenyi soorriyoyyoha ꞌdooꞌdi Waakh kawahti ꞌdooꞌdi eloo rucchul laka ikhabin ma kayeelaan.