Hilassi Ergaano 9:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Saawulo la wihi us worsate, “Kamur, at a ayyo?” Kamur wihi us ilaabe, “An a Yeessohi at sina omhisso.

Hilassi Ergaano 9:5 Referans Kwoze

1 Timooti 1:13

An goorat ꞌhor usu a igafe, ꞌdooꞌdiis sina omhiche, ꞌdooꞌdiis leeabaarrame. Eheetteey laka Waakh uliba uur a isoonugleeste. Ulla jeenteti an Kiriisto ikakhuufine, wihi an yeele igaran, iche iꞌda iyeele.

Hilassi Ergaano 26:9

“Ani rubeyteey laka wihi an tissibe, wihi an abuuꞌd tuummane yeele, antohi magah Yeessohi Naasarete tirrimaa.

1 Koriinto 10:22

Kamure inaaf gelin ꞌdoonna? Kol inno Kamur kamiignahe koogtahiin?

Hilassi Ergaano 5:39

Iꞌdaasenyi chiꞌ yeedicho Waakh kiyimiy, reera koloo kalday laka jeyin ma tabuuꞌdiine, atinhi Waakh rubeytiis ꞌdiiꞌddaan on isagartaan.”

Hilassi Ergaano 9:4

Ulla il guꞌdde, hooyi, “Saawulo! Saawulo, at a iꞌdoh ani sina iomhissa?” idowo daage.

Hilassi Ergaano 9:6

Toollaka kahe ilkerengeet gele ꞌdee wihi at yeesso a lakicheeko.”

Hilassi Ergaano 10:14

Beetero wihi us ilaabe, “Kamur koloo kalday laka iꞌdaas mee! A mehe an injire wihi biꞌdire ommos wihi miꞌdab ieheynan ma umhan.”

Hilassi Ergaano 26:14

Nah tuummamba il guꞌdubne, anna hooyi afi Ibiraaniya ka, ‘Saawulo, Saawulo, a iꞌdoh ani sina iomhissa? At a iꞌdi heeri wussi ooyohiis tulcho, bolokh isikeeno,’ idowo daage.”

Fiiliffi 3:12

An laka uliba wahanyeyyohaas an eldi iꞌdi goorat Waakh ikaꞌdoonuu tuum a itah ma eldi. Iꞌdaasenyi Yeesso Kiriisto ikhuccha. An kol tuumman hole dowa, wahaas Yeesso Kiriisto ꞌhor ikhabte ani laka khabda.