Hilassi Ergaano 9:40 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁰ Beetero la icho tuumman khar ibahche, jilbo il kaguꞌdde Waakh wahte. Makhaabassi bujje iurgiye wihi us iyidah, “Tabiita, sookah!” Iche la indo soobakkaahisse, chiꞌiche Beetero agarte ka soorrommatte.

Hilassi Ergaano 9:40 Referans Kwoze

Mattaayo 9:25

Chirri urur bahe ka, Yeesso minki iname jiifto gele, inám dahan sookhabte, iche la sookahte.

Hilassi Ergaano 7:60

Ulla jilbo il kaguꞌdde weyti riire, “Kamur! ꞌDooꞌda uskeela aleeraahin” yidah. Uus yeedaas massiche on rubey gooche, yumuy.

Luuka 8:54

Iꞌdaasenyi inám dahan sookhabte, “Inantaay sookah” iyidah.

Hilassi Ergaano 20:36

Chirri Baawulo yeyyeed massiche ka, icho tuumman khabaayi jilbo il kaguꞌdde Waakh wahte.

Luuka 22:41

Abattitiis kelee kaseehe, geeddoor daakki laseyo eleelo ileeirte, jilbo il kaguꞌdde Waakh wahte, wihi us yidah,

Marko 9:25

Yeesso chuꞌus ururi intaas isooryo arge ka, ginna leejaakhe, “Ginnata ínam yeed ichoow dogo tirto, amure kibahchaa, toolla kofche inankaas goya kabahe, jirtuu la iinokhan!” iyidah.

Hilassi Ergaano 21:5

Iꞌdaasenyi maanti ibeenkeenyo massate ka kahne, orey isohanne. ꞌDooꞌd tuumman la deyyehoticho ichoow nyaakhut khabaayi nah sooraahe, ilkerengeet nah kaleebahe. Bicche aficho ka nah tuumman icho khabnaayi jilbo il kaguꞌdubne, Waakh wahanne.

Mattaayo 6:6

Iꞌdaasenyi kolbaaw at weysatti, meessi liikaargin gele, Aabbahaahki indo ka liiargin waho, ꞌdee Aabbahaahki wihi at dagsi ka yeesso argo kalaꞌd a kiguto.

Hilassi Ergaano 28:8

Aabba Baabiliyos la a maya, adahe kabahta sare a kuleele a jiifa. Baawulo la min gele usu argaa, dahan korche iweeste samaache.