Hilassi Ergaano 9:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Beetero la icho raahe. Chirri us sooeleele ka, lakhaate goonankaas saraat lageeche. Deyyehoti ittaawenye muunkheyyee la intaase tolossa ooyta. Ubbaarreti derdeer ichoow kabuuꞌddeti iche geeddi iche jirte tosse, Beetero tuseen.

Hilassi Ergaano 9:39 Referans Kwoze

1 'Dessaloonika 1:3

Kol dakkhan Waakkhi Aabbaheene ortiis ka saggi jeenteti atin Kiriisto ikakhuuftaan u hili haaggan ihaaggissaan ichoow jeenteti atin usu iꞌdoontaan u hol idowtaan ichoow jeenteti atin Yeesso Kiriistohi Kamureene khajjeel ikakhabtaan u igarrahsattaan, a kasooꞌhella.

Efeesso 4:28

Eti goorat hatto kaassohti, hatto a ꞌdiicho, hil a haaggicho, wohoo khumman a yeelo ꞌdee eti intiis gaabantahe wihi us leegismo a khabo.

1 Yoohana 3:18

Nyaakhuteeyki an weyti ꞌdoono, uus inno yeed ommos af on ka ꞌdooꞌdi addan ꞌdoonine, wihi inno yeello ichoow wihi rummaat ka ꞌdoonno.

1 'Dessaloonika 4:13

Toollaka ꞌdooꞌd Kiriistokaaw, atinhi wihi ꞌdooꞌd Kiriistoki tuume kayateeh wihicho abattaane ꞌdoonna, ꞌdee jeentetichuu iꞌdi ꞌdooꞌdi addane khajjeel ikhabin u ooyina.

2 Koriinto 8:12

Iꞌdi tahe chiꞌ etoo wohoo bihin ꞌdoono, khaatannaanki Waakh siintaas khaatti, wihi liikhabin menye, geeddi lakhabo iche raaha.

Hilassi Ergaano 20:35

Walah tuumman ka saggi inno hol idowno inno ꞌdooꞌdi ꞌdaꞌddaran igargaarro a atin tuse. Anna wihi goorat Yeessohi Kamure yidah iche kasooꞌhele. Kamur mehe yidah ya, ‘Eti walah diibo weyti hamaad khaba ki khaatti ka.’ ”

Hilassi Ergaano 9:41

Ulla dahan sookhabte toolliche. ꞌDeerka muunkheyyo ichoow ꞌdooꞌdi Kiriisto rummeeste soowahe, ichehi nool dahanticho gesse.

Hilassi Ergaano 8:2

ꞌDooꞌdoo Waakh karooro Isiteefano khaate hawwaale, toro weyti kooyeen.

Hilassi Ergaano 6:1

Saahka maanti tiri abatti Kiriisto kasookhayme ka, ꞌdooꞌdi Yaꞌhuude afi Giriig daago yaafohi Yaꞌhuude afi Ibiraaniya daago leeiriire. Wihi tahe muunkhoyyohicho gololi maan dakkhan enenyet lagiso ma ꞌhelaan.

Yoohana 17:12

Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

Yoohana 12:8

Miskiin kol dakkhan goytiinna kakhabtaane, iꞌdaasenyi ani kol dakkhan ma ikhabtaan.”

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Marko 14:8

Makhaabassa wihi iche tabuuꞌd tuummane yeesse. Sarteey miricchi ka subahte, orey on geeddi liihawwaalin tannabisse.

Mattaayo 26:11

Miskiin kol dakkhan goytiinna kakhabtaane, iꞌdaasenyi ani kol dakkhan ma ikhabtaan.

Mattaayo 17:17

Yeesso wihi us ilaabe, “ꞌDooꞌdi weyꞌdane uskeel lehe Waakh ikakhuufin! Geeddoh atin leefiddiyo? Geeddoh atin igarrahsadi? Ínam inta ka ikeena!”

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

1 Timooti 5:3

Muunkhoyyohi walah ikhabin mujjum inkaanyite wihi icho laayahin sii.

1 Timooti 5:5

Muunkhoti rumanka walah ikhabine, eti yeyo laa, eti iche khajjeel kakhabto a Waakh kaldach on. Iche la ibeen ichoow maalim ba Waakhe wahatta gargaar daahta.