Hilassi Ergaano 9:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ Ilkerengeetti Yooba ka makhaabassoo abatti Kiriisteenye Tabiita layadeeh a jirte. Magahiche afi Giriig ka a Dorkas. Afaf lammacho ka chiꞌ lalaabe a Hoól. Iche la kol tuumman ꞌdooꞌd wihi haaggane iyeesse, toro la miskiino gargaarte.

Hilassi Ergaano 9:36 Referans Kwoze

Tiito 3:8

Yeedassaas an idah a wihi lakakhuufo. Atihi yeedassaas katirriinsatti ꞌdee ꞌdooꞌdi Waakh rummeeste kol tuumman haag yeelo iche ꞌdoona. Wahanyeyyoha la enenyet a ihaagganyahiine toro la a iroonyahiin.

Tiito 2:7

Ati rubeytaah la wihi tuummane at yeesso ka, iyookkoti haaggane icho raahaan iateeh. Saggi at enenyet walah iabisso ka, eloo rucchul laka atusine, wohoo ꞌdabakhe iikhaatine,

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Efeesso 2:10

A mehe Waakhe wihi toolla inno nahe inno kayeele. Wohoo kaldaye inno ichoow Yeesso Kiriisto nahe ka a inno soouume ꞌdee hilassi hahhaaggane Waakh goorat inno itannabiche kaassahanna.

Hilassi Ergaano 10:31

Wihi us iyidah, ‘Korneeliyo, Waakh weysihaah a daage, toro wihi at miskiino siisso a arge.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.

1 'Dessaloonika 4:10

Rumanka la ꞌdooꞌdi Kiriisto rummeeste boroofenhi Makedooniya kijiro tuumman a ꞌdoontaan. Iꞌdaasenyi ꞌdooꞌd Kiriistokaaw, a atin hawwaassanne, taba kakhaya weyti ꞌdoona.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Yoohana 15:8

Chirri atin gurnaanki buure bihissaan, saggi atin abattiteey itahiine tussaan. Iꞌda ka la, Aabbaheey a laweynaacha.

Yoohana 15:5

“An a iꞌdi geeyi sabiibe, atin la a iꞌdi liikhimohaaya. Eti tuummane goyteey fiddiyo, anna goytiis fiddiyo, gurnaanki buurenye dela. Laanteey walah atin ꞌduuꞌddaan mele.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Hilassi Ergaano 9:38

Yooba la ilkerengeetti Ludda ma kadeere, ꞌdeerka chirri abatti saggi Beetero ilkerengeetti Ludda ikajiro daagte ka, et lamma ergateene, hawwaasteene, “Bal dowwa nah sooeleel!” iyidaaheen.

Hilassi Ergaano 9:42

Yeedaas Yooba dakkhan kataaꞌhe, ꞌdooꞌdi ittaawe la Kamur rummeeste.

Hilassi Ergaano 10:8

Wihi yitah tuumman icheeke ilkerengeetti Yooba ierge.

Hilassi Ergaano 10:23

Beetero ꞌdeerka ꞌdooꞌd min goya iwahe martiiste. Ibeenki kaas sooraaho ka Beetero ꞌdooꞌd raahe. ꞌDooꞌdoo ilkerengeetti Yooba ka Kiriisto rummeeste laka Beetero raahe.

Hilassi Ergaano 11:5

“An ilkerengeetti Yooba iche kajire, Waakh wahdaayi, fooltabcho arge. Wohoo iꞌdi dafartoo buurenye goobi Waakh ka laddad affarcho lakhuccho il liisoowoyo garabeey lasooyissil arge.

Hilassi Ergaano 11:13

Ulla saggi herti Waakh minkiis ka isoobahte, ‘ꞌDooꞌdoo ilkerengeetti Yooba iergo, eti magahiis Siimon layadeehe magahoo ka la Beetero layadeeh a soowaho,’ itidah, nah isoocheeke.

Mattaayo 25:17

Ki ugar lamma chilimme khabe laka lamma addan kaꞌhele.