Hilassi Ergaano 9:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Beetero la wihi us Ayyenneya iyidah, “Ayyenneya, Yeesso Kiriisto a kisamaacha, kahe ilaalaah khaat!” Ulla chirraas on sookahe.

Hilassi Ergaano 9:34 Referans Kwoze

Hilassi Ergaano 3:12

Beetero chirri us waha arge ka wihi us ꞌdooꞌd iyidah, “Mejeli Issiraayeloow a iꞌdoh waha ikagirmeysattaan? A iꞌdoh iꞌduu nah iyeytaan? Kol nah miigteenyo on ka ommos nah weyti Waakh kahamaadinno eta samaanne akoogeynana.

Hilassi Ergaano 3:6

Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Mattaayo 9:6

Iꞌdaasenyi saggi Ínam Aadam antohi us harrata ka enenyet uskeel ikakuto ikhabo a abattaan.” ꞌDeerka wihi us eti sare hanjaawte iyidah, “Tolosso ilaalaah okkhiche, goob iro!”

Hilassi Ergaano 16:18

Iche la ibeenneti ittaawe iꞌdaas yeesse ichoowka Baawulo weyti hollowe, iurgiye, ginna leeyeede wihi us iyidah, “Antohi magah Yeesso Kiriisto ka, amure kibahcha, inanta kasoobah!” Chirraas on ginna inám kabahte.

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Hilassi Ergaano 3:16

Kakhuufnaanki nah antohi magah Yeesso kakhuufno ka, eta orran dakkhan atin wihiis garattaane, toolla la agartaan, a lasamaache. Magah Yeesso ichoow kakhuufnaanki usu kayamiit, iche eta tuum samaache, saggi atin tuumman iagartaan u.

Mattaayo 8:3

Yeesso dahan ooge, et ꞌdaare, wihi us iyidah, “A ꞌdoona, biꞌdir bah!” Chirraas on buꞌdati kootte et sar kasoofoofte baabaate, et samaate.

Yoohana 2:11

Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.

Hilassi Ergaano 9:33

Intaas ka etoo Ayyenneya layadeehe sar tuumman hanjaawte guꞌh siyyeet siriir kajiife ꞌhele.

Hilassi Ergaano 9:35

ꞌDooꞌdi tuummane ilkerengeetti Ludda ichoow ꞌdowhi Chaaron kajiro la Ayyenneya arge Kamur kakhuufe.