Hilassi Ergaano 9:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² Geedda Beetero ilassaas tabe, us ꞌdooꞌdi Waakhe ilkerengeetti Ludda yaalle iirte.

Hilassi Ergaano 9:32 Referans Kwoze

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Hilassi Ergaano 8:25

Inkoo icho walah tuumman ꞌdooꞌd tuseene icho Yeedi Kamur cheekeen ka, ilkerengeetti weene Yeerusaleem inokhteene, goobassi ittaawenye ilkerengeetti Saamariya kijiro ka Wori Haaggan ꞌdooꞌd abcheen.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Rooma 1:7

Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Hilassi Ergaano 26:10

An antohi kuhaaniyyohi wewween ka ꞌdooꞌdi Waakhe ittaawe jeela a gesse, maanti layagiis la ani laka a ayyiche.

Hilassi Ergaano 9:41

Ulla dahan sookhabte toolliche. ꞌDeerka muunkheyyo ichoow ꞌdooꞌdi Kiriisto rummeeste soowahe, ichehi nool dahanticho gesse.

Hilassi Ergaano 8:14

Ergaanoti ilkerengeetti weene Yeerusaleem kajirto maanti iche saggi ꞌdooꞌdi Saamariya kajiro Yeedi Waakh iraaho daagte ka, Beetero ichoow Yoohana Saamariya ieregte.

Hilassi Ergaano 1:8

Iꞌdaasenyi maanti Rubeyti Munyee atin isooyagte, miig a ꞌhessaane, atin la weheeyki atin garattaan cheektaan. Ilkerengeetti weene Yeerusaleem ka ichoow boroofenneti Yaꞌhuudiya ichoow ti Saamariya ka ichoow harra tuumman ka cheektaan.”

Mattaayo 27:52

Hawwaalo furnameene, ꞌdooꞌdi Waakhe ittaawenye munyeenye goorat tuume omoot lakasookahche.

Hilassi Ergaano 9:33

Intaas ka etoo Ayyenneya layadeehe sar tuumman hanjaawte guꞌh siyyeet siriir kajiife ꞌhele.