Hilassi Ergaano 9:31 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³¹ ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.

Hilassi Ergaano 9:31 Referans Kwoze

Rooma 5:5

Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

Hilassi Ergaano 8:1

Saawulo laka intaas a kijire, ullaka Isiteefanohi layagiis a ayyiche. Maantaas on urur Kiriistoki ilkerengeetti weene Yeerusaleem kajiro sinati weyti loomhicho lasookhabte. Ergaano on menye, ꞌdooꞌd Kiriisto tuumman ilassi Yaꞌhuudiya ichoow ki Saamariya iche liitaaꞌhiche.

Efeesso 4:12

Waakh iꞌdane yeele, ꞌdooꞌdi Waakh hili icho Waakh ihilaan itannabicha, ꞌdee urur Kiriistoki sartiise miigowa.

2 Koriinto 13:10

Jeentetaas u geeddi an atin ileejirin khadaaba a atin isoochiira, ꞌdee chaꞌan imiy sag ani antoheeyki miige ka atin idakhdi mele. Antohaas an atin kadakhdi Kamure isiiche, ꞌdee ꞌdooꞌd Kiriisto ma jejjebcho, disa.

2 Koriinto 10:8

A mehe antohi Kamur nah siiche wihi atin jejjebcho menye a wihi atin diso. Chaꞌan antohaas weyti keeylajo laka, an ma uryaawo.

2 Koriinto 7:1

Maantaka aalasseeyki an weyti ꞌdoono, Waakh wahaas tuumman a inno iayyiche gone, wihi tuummane sarteen ichoow rubeyteen biꞌdirroocho iskadikhno. Jeenteti inno Waakh ikaroorruu la, orey isohda ꞌdooꞌdi tuum munyee ateeha.

Hilassi Ergaano 16:5

ꞌDeerka ururre Kiriisto kakhuufnaanki icho Kiriisto kakhuufaan ka uur lamiigooche toro il baryo ꞌdooꞌdi Kamur kakhuufo kasookhayme.

Hilassi Ergaano 12:24

Iꞌdaasenyi Yeedi Waakh orey on isohte, ꞌdooꞌdi ittaawe la Yeesso rummeeste.

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Yuuda 1:20

Iꞌdaasenyi atinhi aalasseeyki an weyti ꞌdoonee, taba kakhuufnaanki weyti lagane atin Kiriisto kakhuuftaan ka ismiigoocha. Chaꞌatin Waakh wahattaan la Rubeyti Munyee a atin woyto.

Ibiraaniya 4:9

ꞌDeerka nasmeti khummane ꞌdooꞌdi Waakh uliba sugto a jirta.

1 Timooti 1:4

Toro la ꞌdooꞌdi hawweesseti beenaat ichoow magahenyeti ittaawenye hiiyyassichooda icho immarah wawwahaan ꞌdiicha itadeeh. Waha la jaakh on keenaane, toro la gargaar icho hili Waakh ikhabaan mele. Wihi hili Waakh indigir ikhabo, a chirri Waakh lakakhuufo.

1 'Dessaloonika 5:11

Toollaka uur ismiigoocha, toro isgargaara iꞌdi toolla atin yeessaan u.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Fiiliffi 2:1

Kola atin ichoow Kiriisto a wohoo kalday gone, wahaas uur ma atin miigoochaan a? ꞌDooninti us atin ꞌdoono ka la, usu menya uur atin khoboocho? Atin ichoow Rubeyti Munyee la kulankoo kalday ma isikhabtaan a? Kiriisto ꞌdoonintiis ichoow uurnugleeliis a atin tuse menya?

Efeesso 5:21

Wihi ꞌdaꞌddaboot, jeenteti atin Kiriisto iinkaanyittaan u, taba giꞌde, af iiskutina.

Efeesso 4:29

Yeedi ꞌdooꞌdi addan gaameero uus afiin leeimaatane, yeedassi ꞌdooꞌdi gargaar ꞌdoono gargaaro toro la uur miigoocho on kaayyeeda. Iꞌda ka la ꞌdooꞌdi atin daago buuhi Waakhe ꞌhela.

Efeesso 4:16

Inno a iꞌdi miilassi addane sareet. Saggi miilassi sareet tuumman isliikadagche maanjeerre ikhucchissuu, Kiriisto laka usu ꞌdooꞌdiis wohoo kalday kayeela. Saggaas on u miilassi sareet kooba hiliis mujjume haaggicha, sartaas ꞌdoonin ka weynaatta miigowta.

2 Koriinto 12:19

Chirraas tuumman kol nah ortiin ka isribno koogtahiin? Nah Waakh ortiis ka saggi ꞌdooꞌdi icho ichoow Kiriisto wohoo kalday yahiine iyeyyeena. Aalasseeyki an weyti ꞌdoono wihi nah yeello tuumman la a atin miigoochaan.

1 Koriinto 14:26

ꞌDooꞌd Kiriistokaaw ꞌdeerka mehe incheenka yeessaan? Maambaaw atin kulantaan, etoo geeyoo us Waakh idowo khaba, etoo wohoo us enenyet abcho khaba, koo laka wohoo Waakh ibabbakkaahiche khaba, koo laka afi Rubeyti Munyeenye kaayyeeda, koo laka afaase laaba, ꞌdeerka waha tuumman saggoo icho urur Kiriisto imiigoochaan iyeela.

1 Koriinto 14:12

Waha ꞌdeerka atin laka a atin miinsanyahiin. Atin siimohi Rubeyti Munyee kayamiit weyti yowattaan gone, weyti tirriinsada ꞌdee siinti urur Kiriisto disso yowda.

Rooma 14:19

Maantaka taba giꞌde wihi nebey keeno ichoow wihi inno iskamiigoonno hol a kadowno.

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Hilassi Ergaano 5:11

Urur Kiriisto tuumman ichoow ꞌdooꞌdi yeedaas daage tuumman, weyti nahtime gesse.

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.