Hilassi Ergaano 9:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Chirri ꞌdooꞌdi Kiriisto rummeeste waha abte ka, Saawulo khaateene ilkerengeetti Kaaysareya geecheene, intaas ka ilkerengeetti Taarso iergeen.

Hilassi Ergaano 9:30 Referans Kwoze

Hilassi Ergaano 11:25

Barnaba ꞌdeerka ilkerengeetti Taarso irte, Saawulo yowte.

Hilassi Ergaano 9:11

Kamur la wihi us iyidah, “Kahe, ilkerengeet ka min Yuudaki jiti, Jiti Fissan layadeeh kajiro iro, etoo ilkerengeetti Taarso Saawulo layadeeh sooworso, iꞌdi tahe usu Waakhe wahtaa.

Hilassi Ergaano 8:40

Iꞌdaasenyi Fiilif inkoo us ilkerengeetti Assotos ka issookase ka, ilkerengeeto tuumman dah kagooche, Wori Haaggan cheeke ichoowka Kaaysareya eleele.

Galaatiya 1:21

Saahka boroofenhi Siiriya ichoow boroofenhi Kiliikiya irde.

Hilassi Ergaano 17:15

ꞌDooꞌdi kootte Baawulo khaate la, Baawulo raahe ichoowka ilkerengeetti Aaꞌden eleelicheene intaas ka nokhteen. Baawulo Siila ichoow Timooti amur ibahche ꞌdee dowwa ilkerengeetti Aaꞌden ka usu a isookhayeen.

Hilassi Ergaano 17:10

Uus il ibeennowe ka ꞌdooꞌdi Kiriisto rummeeste Baawulo ichoow Siila ilkerengeetti Beeroya ierge. Chirri icho Beeroya geleen ka minki weysiite Yaꞌhuud irteen.

Mattaayo 16:13

Chirri Yeesso ili ilkerengeetti Kaaysareya Fiiliffi yimiy ka, wihi us abattitiis worsate, “ꞌDooꞌd Ínam Aadam a ayyo essa?”

Mattaayo 10:23

Chirri ilkerengeettoo ka sina atin loomhicho, ilkerengeettoo addan ifirda. Rume atin icheeka, geeddi atin hiliin ilkerengeetohi ili Issiraayel tuumman ka imassin, iche Ínam Aadam soonokhta.”

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 28:14

Intaas ka ꞌdooꞌdoo Kiriisto rummeeste ꞌhelle, icho la nah waheene teebatoo a leefiddiino. ꞌDeerka intaas kakahne luhlo ka ilkerengeetti Rooma nimiy.