Hilassi Ergaano 9:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Saawulo chirri us ilkerengeetti weene Yeerusaleem yimiy ka, abatti Kiriisto ikhayin leheet. Iꞌdaasenyi iche tuumman usu weyti karoorte. A mehe usuhi rumanka abatti Kiriisto yitah ma rummeysatti.

Hilassi Ergaano 9:26 Referans Kwoze

Hilassi Ergaano 26:20

Anna kolooraat ilkerengeetti Damaasko Yeedi Waakh kacheeke. Yomboka ilkerengeetti weene Yeerusaleem ichoow ili Yaꞌhuudiya tuumman ichoow ꞌdooꞌdi Waakh igaranne Yeedi Waakh icheeke. Wihi an cheeke la a saggi icho uskeelicho ikasoonokhtaane icho Waakh ikuurgiyaane, fiddihicho ka saggi icho rumanka uskeel ikasoonokhteen tusaan.

Hilassi Ergaano 9:19

Saawulo la inkoo us golossate ka, miigowe. Ibeennetoo Damaasko ka abatti Kiriisto leejire.

Galaatiya 2:4

Aytaas khandi miinsan jeenteti ꞌdooꞌdoo ꞌdooꞌd Kiriisto iskaayyeelo dagsi ka goyteen isoogeluu a soobahte. ꞌDooꞌda la furnaanki Yeesso Kiriisto inno soofure, iche ꞌdegey kayimiyye, ꞌdee bowꞌdayyohi hugummeti Yaꞌhuud inno kayeelaan.

Hilassi Ergaano 4:23

Beetero ichoow Yoohana uus lasooꞌdiiche, ꞌdooꞌdichoki addan iirteene wihi kuhaaniyyohi wewween ichoow ewweenki Yaꞌhuud kaleeyyeedde ꞌdooꞌd icheekte.

Mattaayo 24:10

Maantaas ꞌdooꞌdi buure kakhuufnaanki icho ani ikakhuufaan a kanokhta, dahanohi chiiyeet isgessa, toro la isꞌdiiꞌdaan.

Hilassi Ergaano 9:25

Iꞌdaasenyi ibeen ka ꞌdooꞌdi usu raaho usu enjeloo buure ka daddaabohi ilkerengeet kamarsan ka ꞌdohtoo gateene, il isoowoyeen.