Hilassi Ergaano 9:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Iꞌdaasenyi Saawulo jiti miige ka wori Waakh cheeke. Ulla wahanyeyyohi ittaawe ka saggi Yeesso rumanka Ki Lasubhe iyahe tuse, ichoowka ꞌdooꞌdi Yaꞌhuude Damaasko yaal malaliche.

Hilassi Ergaano 9:22 Referans Kwoze

Hilassi Ergaano 18:5

Maanti Siila ichoow Timooti ili Makedooniya kayimaateen ka, Baawulo Yeedi Waakhe us cheeko kalday miinsate, ꞌdooꞌdi Yaꞌhuud saggi Yeesso rumanka Ki Lasubhe iyahe icheeke.

Luuka 21:15

A mehe an yeedi atin tadeehiin ichoow khara a atin siicha, ꞌdee chiiytiin tuumman goyaka koo atin tirrimin yabuuꞌd mele ommos et runti atin cheekteen ꞌdiiꞌdo mele.

1 Koriinto 1:27

Iꞌdaasenyi Waakh wihi ꞌdooꞌdi harrata ꞌdalam ikhaato iche soobahche, ꞌdee ꞌdooꞌdi kharayyee lakhaanyo kadowa. Us wihi ꞌdooꞌdi harrata ꞌdarri ikhaato iche soobahche, ꞌdee ꞌdooꞌdi mimmiige lakhaanyo kadowa.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Fiiliffi 4:13

Kiriistohi miig isiicho ka, a geeddi an walah tuumman yeelo.

Hilassi Ergaano 17:3

wihi massan, Ki Lasubhe sina lakawaaricha, toro omoot kasookaha. “Yeessoha an atin idowdowo iche Ki Lasubhee,” iyidah.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Hilassi Ergaano 9:21

ꞌDooꞌdi usu daage tuumman la weyti girmeeste, “Eta ki goorat ilkerengeetti weene Yeerusaleem ka ꞌdooꞌdi magaha waho ꞌdabbaacho menya? Ulla intane yimiyye ꞌdee icho hida, khaata kuhaaniyyohi wewween igeecha menya?” worsateen.

Hilassi Ergaano 9:23

Inkoo ibeennetoo kutte ka, ꞌdooꞌdi Yaꞌhuud Saawulo ogoos gooche.

Hilassi Ergaano 9:27

Iꞌdaasenyi Barnaba usu khaate ergaano Yeesso ikeene. Saggi sulhaassiis ka us Kamur iarge, Kamur usu ileeyyeede ichoow saggi us ilkerengeetti Damaasko ka roorro laan wor Yeesso icheeke laka ergaano icheeke.

Galaatiya 1:18

Inkoo guꞌh seyyahe kutte, iche ilkerengeetti weene Yeerusaleem ikore, Beetero aban ꞌdoonaa. Ibeen tomon ichoow chan iche leefiddiye.

1 Timooti 1:12

An Yeesso Kiriistohi Kamureene weyti kalaꞌd ilaaba. Us a imiigooche toro eti lakakhuufo iekkaache, hiliis ikorche.