Hilassi Ergaano 9:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ ꞌDooꞌdi usu daage tuumman la weyti girmeeste, “Eta ki goorat ilkerengeetti weene Yeerusaleem ka ꞌdooꞌdi magaha waho ꞌdabbaacho menya? Ulla intane yimiyye ꞌdee icho hida, khaata kuhaaniyyohi wewween igeecha menya?” worsateen.

Hilassi Ergaano 9:21 Referans Kwoze

Hilassi Ergaano 8:3

Iꞌdaasenyi Saawulo urur Kiriisto massin ꞌdoona, kolba minkoo gela mejel ichoow deyyeho sookhabta sookhaata jeela gessa, hida.

2 'Dessaloonika 1:10

Waha la maanti icho yateehiin, a maanti us soonokhti, ꞌdooꞌdiiski munyeenye usu rummeeste tuumman usu saaꞌdo, toro la kagirmeesti. Waha atin laka goya a kijirtaan jeenteti atin wihi Waakh yeele nah agarre nah atin isoocheekne irummeysatteen u.

1 Yoohana 3:1

ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.

Hilassi Ergaano 4:13

Chirri icho Yoohana ichoow Beeterohi roorro laan yeyyeedo argeene toro saggi icho ꞌdooꞌdi walah garti iyahiin kaseen ka weyti girmeesteen. Saggi goorat icho Yeesso ileejireen kaseen.

Hilassi Ergaano 3:10

Chirri icho saggi us eti orran luhlo laaye, minki Waakhe buure ka Aritti Haaggan fiddiyo walah daaho iyahe argeen ka, wihi et kayitah weyti kagirmeesteene roorro gesse.

Hilassi Ergaano 2:12

Iche tuumman girmeysatte il fooliis waayte, “Iche waha a mehe?” isworsatte.

Hilassi Ergaano 2:6

Chirri icho hooyaas daageen ka urureen. Jeenteti ebba ꞌdooꞌd Kiriistoki aficho kaayyeedo idaaguu girmeesteen.

Hilassi Ergaano 7:59

Geedda Isiteefano dagah lakachibo layagiis, usu Waakh on wahta, wihi us essi, “Yeessohi Kamure, rubeyteey a kitimaate.”

Hilassi Ergaano 9:22

Iꞌdaasenyi Saawulo jiti miige ka wori Waakh cheeke. Ulla wahanyeyyohi ittaawe ka saggi Yeesso rumanka Ki Lasubhe iyahe tuse, ichoowka ꞌdooꞌdi Yaꞌhuude Damaasko yaal malaliche.