Hilassi Ergaano 9:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Chirraas on wohoo khadaabbee indo kasoodiheene, ulla il arge. Tolossate labaattissiye.

Hilassi Ergaano 9:18 Referans Kwoze

2 Koriinto 3:14

Iꞌdaasenyi malassicho a ladagahnooche. Iꞌdi tahe ichoowka maanta laka chirri icho buuggassi ayyinti raagane Waakh gooche soomaan a iꞌdoo malassicho dafar lakoogooge. Dafarta uliba a jirta. Iꞌdi tahe maanti etoo ichoow Kiriisto ba wohoo kalday yitaaheen kalday on dafar lakayegcha.

Hilassi Ergaano 22:16

Toollaka mehe sugta? Tolosso a kibaattissiyo, uskeelaah a lakaadikho geeddi at magahi Kamur wahto.’

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Hilassi Ergaano 2:41

ꞌDooꞌdi yeediis khaatte labaattissiye. Maalinkaas ꞌdooꞌdi ururicho isookhaye, a geeddi et elif seyyah.

Hilassi Ergaano 9:8

Saawulo sookahe, iꞌdaasenyi chuꞌus indo bakkaahicho, walah us argo mele. Etoo ꞌdeerka dahan khabte angaamiche, ilkerengeetti weene Damaasko geeche.

Hilassi Ergaano 9:17

Anaaniya ꞌdeerka irte minki Saawulo kajiro gele. Anaaniya la dahano korche, “Saawulo, walaalaaw, Yeessohi Kamurenye jit ka atihi inta isoosohatti kisoobahe iche isooergate, ꞌdee il agarta toro Rubeyti Munyee kibuuhissa,” iyidah.

Hilassi Ergaano 9:19

Saawulo la inkoo us golossate ka, miigowe. Ibeennetoo Damaasko ka abatti Kiriisto leejire.

Hilassi Ergaano 22:13

Ulla iyimiyye haggeey sootolossate, ‘Saawulohaaw, il agar!’ iyidah. An chirraas on il arge, usu laka arge.