Hilassi Ergaano 9:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Hilassi Ergaano 9:15 Referans Kwoze

Rooma 11:13

An atinhi yaafohi Yaꞌhuud ieheynane atin leeyyeeda. An a ergaanoti yaafohi Yaꞌhuud ieheynane, toro la hila wohoo weyti khummane iekkaacha.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

1 Timooti 2:7

Jeentetane Waakh ani eti Yeedi Waakh cheeko ichoow ergaano ikayeele. Toolla la wihi an cheeko been menye, a yeedi rummaat on. Toro la ani eti wori rummaate Kiriisto miinsan yaafohi Yaꞌhuud ieheynan abcho ikayeele.

2 Timooti 2:4

Eti iskarenye diho kajiro hilassoo addane ballaaddan ma gelo. Usuhi eti iskareete usu iween kahamaadicho ꞌdoonaa.

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Yoohana 15:16

Atin ani ma isoobahsan, iꞌdaasenyi ani atin soobahsade, toro hiloo atin korche, ꞌdee gurnaan bihissaan, gurnaanki fiddiyo bihissaan. ꞌDeerka jeenteti atin keey itahiin u, Aabbaheey wihi tuummane atin daahtaan, a atin siicha.

2 Timooti 1:11

Waakh la Wora Haaggan ka hili Yeedi Waakh lacheeko ichoow ki ergaano ichoow ki enenyet Yeedi Waakh laabcho a ikorche.

Galaatiya 1:1

Khadaaba eti atin isoochiiro, a ani Baawulohi ergaanee. Weel enenyete hila ergaano ikorche mele, ommos weel enenyete isooergate mele. Iꞌdaasenyi Yeesso Kiriisto ichoow Waakkhi Aabbaheenenye, Yeessó omoot kasookahche ka a liisooergate.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Hilassi Ergaano 13:2

Geedda icho Kamur wahtaane icho af hiitaan, Rubeyti Munyee wihi iche itidah, “Barnaba ichoow Saawulo ba hili an icho iwahe isoobahcha.”

Mattaayo 10:18

Jeenteteey u gaafanayyo ichoow karnato atin liigeecha, atin la garti Wori Haaggan icho ichoow yaafohi Yaꞌhuud ieheynan itateehiin.

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Hilassi Ergaano 27:24

wihi iche itidah, ‘Baawulo, roorro akhabin! Ati Kaaysar ortiis a tolossatta. Haaggi Waakhe buure ka, ꞌdooꞌdi kooban kaaleejiro tuumman, koo kalday laka ma yamuut.’

Hilassi Ergaano 26:32

Agiribba la wihi us Feestas iyidah, “Eta kootte Kaaysar ikooyin ka, a geeddi lafuro.”

Hilassi Ergaano 25:22

Agiribbaha la wihi us Feestas iyidah, “An awteey u anihi eta daago a ꞌdoona.” Feestas la wihi us ilaabe, “Saahta a daagta.”

Hilassi Ergaano 21:19

Baawulo la icho bariitiche toro wihi tuummane Waakh yaafohi Yaꞌhuud ieheynan hiliis ka iyeele ꞌdooꞌd tuum idowdowe.

Hilassi Ergaano 28:17

Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse.

Hilassi Ergaano 22:14

“ꞌDeerka wihi us yidah, ‘Waákh aacchinyeteen a kisoobahsate, ꞌdee mali us kikhabo abatta, toro la Eti Fissan agarta, toro usuhi hooyiis ka kileeyyeedo daagta.

Hilassi Ergaano 26:1

Agiribba ꞌdeerka wihi us Baawulo iyidah, “Antohi at awtaah u isikaayyeeddo a khabta.” Baawulo la dahan ficche iꞌduu isiyeyyeede.

Hilassi Ergaano 28:28

“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

1 Koriinto 9:16

A mehe Wori Haaggane an cheeko ka walah an keeylajo mele. Iꞌdi tahe wora an cheeko Waakhe ihossa. Chirri an Wori Haaggan icheekin la, sinati isugto eenna a buure!

Efeesso 3:1

Jeenteti wahaas tuumman u, ani Baawulo iroonoti atinhi yaafohi Yaꞌhuud ieheynane an Yeesso Kiriisto ikahilo iche jeela ikijira.