Hilassi Ergaano 9:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Kamur la wihi us iyidah, “Kahe, ilkerengeet ka min Yuudaki jiti, Jiti Fissan layadeeh kajiro iro, etoo ilkerengeetti Taarso Saawulo layadeeh sooworso, iꞌdi tahe usu Waakhe wahtaa.

Hilassi Ergaano 9:11 Referans Kwoze

Hilassi Ergaano 22:3

“An a Yaꞌhuude, ilkerengeetti Taarso ili Kiliikiya kijirto liikadele, iꞌdaasenyi ilkerengeetti weene Yeerusaleeme kaweynaade. Ani amurre aacchinyeteen weyti liiabche, eti iabche la a Gamaliyeel. An laka iꞌda maanta atinhuu, Waakkheen a isibahche.

Hilassi Ergaano 21:39

Baawulo wihi us ilaabe, “An a Yaꞌhuude, ilkerengeetti Taarso ili Kiliikiya kijirto liikadele. An a eti ilkerengeetti weyti khumman. A kihawwaasdee, alley bal ꞌdooꞌd a leeyyeedo.”

Hilassi Ergaano 9:30

Chirri ꞌdooꞌdi Kiriisto rummeeste waha abte ka, Saawulo khaateene ilkerengeetti Kaaysareya geecheene, intaas ka ilkerengeetti Taarso iergeen.

Hilassi Ergaano 11:25

Barnaba ꞌdeerka ilkerengeetti Taarso irte, Saawulo yowte.

Hilassi Ergaano 11:13

Ulla saggi herti Waakh minkiis ka isoobahte, ‘ꞌDooꞌdoo ilkerengeetti Yooba iergo, eti magahiis Siimon layadeehe magahoo ka la Beetero layadeeh a soowaho,’ itidah, nah isoocheeke.

Hilassi Ergaano 8:26

Hertoo Kamur la wihi iche Fiilif itidah, “Sookahe, gurro tabe, jiti ilkerengeetti weene Yeerusaleem kakhubti ilkerengeetti Gaasa irti isoho.” Waha la a jiti hidaadeet.

Hilassi Ergaano 2:21

Eti tuummane, magahi Kamur waho la a lariba.’ ”

Yoohana 4:10

Yeesso wihi us iche ilaabe, “Wihi Waakh enenyet siin ꞌdoono garatte ka, ommos anihi bicche kidaaho eti an ahe garatte ka, kootte ati ani bicche idaahta, ani la bicchehi enenyet jiro keelo kisiicha.”

Hilassi Ergaano 8:22

Uskeela kasoonokho, Kamur waho. Kolossoo ꞌdee Kamur mala suujenye at uuraah kakhabto ikaakutaayi.