Hilassi Ergaano 9:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Ilkerengeetti Damaasko ka etoo abatti Kiriisteenye Anaaniya layadeeh a jira. Kamur la fooltabcho ka wahe “Anaaniya,” iyidah. Wihi us ilaabe, “Kamur an kalla.”

Hilassi Ergaano 9:10 Referans Kwoze

Hilassi Ergaano 22:12

“Etoo Anaaniya layadeeh ani iargin yimiy. Us weyti Waákh karoora toro amurre Muusa mujjum raaha, ꞌdooꞌdi Yaꞌhuude Damaasko kajiro tuumman la weyti usu inkaanyita.

Hilassi Ergaano 10:3

Maantooka geeddi sahaꞌd saagaassi maalimeet ka, fooltabchotoo arge. Fooltabcho ka wihi us mujjum arge, a herti Waakhe itimiyye, “Korneeliyo,” itidah.

Hilassi Ergaano 2:17

“ ‘Ibeenneti ꞌdaꞌddaboot, iche Waakh essa, Rubeyteey weeli enenyet tuumman a kakhuba. Yeeletiin ichoow albehiin wori Waakh a kaayyeedaan. Mejeliinki nunnugul fooltabcho a arga. Mejeliinki araarrinyee issilloyyo issilloota.

Hilassi Ergaano 9:9

Maan seyyah tuumman il ma argo, ma golossati, wohoo rucchul laka ma yabhuub.

Hilassi Ergaano 11:5

“An ilkerengeetti Yooba iche kajire, Waakh wahdaayi, fooltabcho arge. Wohoo iꞌdi dafartoo buurenye goobi Waakh ka laddad affarcho lakhuccho il liisoowoyo garabeey lasooyissil arge.

Hilassi Ergaano 12:9

Beetero la raahe, jeela kaleebahe, iꞌdaasenyi saggi wahaas herti Waakh yeesse rumanka iyitaaheen ma kasine, kol us fooltabcho argo on koogyahe.

Hilassi Ergaano 16:9

Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge.

Hilassi Ergaano 16:10

Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.

Hilassi Ergaano 18:9

Ibeenkooka Kamur Baawulo fooltabcho ka leeyyeede wihi us iyidah, “ꞌDooꞌda akaroorin, leeyeyyeede, waha at haaggisso la aꞌdiin.

2 Koriinto 11:32

Maanti an ilkerengeetti weene Damaasko kijire, gaafanahi karnati Areeta layadeeh soobahsate ilkerengeete yaakhiche, ꞌdee ani ikhabtaa.

Galaatiya 1:17

Toro la, an ergaanoti ilkerengeetti weene Yeerusaleem kijirto, orteey ergaano titah laka ma iiran. Iꞌdaasenyi chirraas on ili Araabo irde, yomboka ilkerengeetti weene Damaasko isoonokhde.

Hilassi Ergaano 9:12

Usu fooltabcho ka etoo Anaaniya layadeehe yimiyye usu dahan korche ꞌdee ulla il iargo a arge.”