Hilassi Ergaano 8:40 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁰ Iꞌdaasenyi Fiilif inkoo us ilkerengeetti Assotos ka issookase ka, ilkerengeeto tuumman dah kagooche, Wori Haaggan cheeke ichoowka Kaaysareya eleele.

Hilassi Ergaano 8:40 Referans Kwoze

Hilassi Ergaano 21:8

Ibeenki kaas sooraaho ka, kahne ilkerengeetti Kaaysareya iranne, kooban kasooyegne. Intaas ka minki eti Wori Haaggan taaꞌhicho Fiilif layadeeh fiddiine. Fiilif la a etoo ꞌdooꞌdi goorat teebeenye Yeerusaleem ka lasoobahsate golol ꞌdooꞌd gise.

Hilassi Ergaano 25:4

Feestas wihi us ilaabe, “Baawulo ilkerengeetti Kaaysareya kahidanyahe, anna dowwanoha on intaas inokhda.

Hilassi Ergaano 23:33

Chirri iskarti faraꞌd fuusso ilkerengeetti Kaaysareya sooeleesse ka, gaafanahi Feelig layadeeh khadaab idiibte, Baawulo laka dahanohiis gelisse.

Hilassi Ergaano 23:23

Eti iskar iween ꞌdeerka et lamma kooba koobbintoo iskareet itoollo wahe, wihi us iyidah, “Nyaama, iskarti kud lammee ichoow et tomon teeba faraꞌd korto ichoow et kud lamma toorar khabto ilkerengeetti Kaaysareya iratti soobahcha, ꞌdee sahaꞌd seyyahti ibeen ka a kahto.

Hilassi Ergaano 10:1

Ilkerengeetti Kaaysareya ka, etoo Korneeliyo layadeehe koobbintoo iskareete, iskarti ꞌDeylaan layadeeh itoollo, a jire.

Rooma 15:19

Ulla miigti Rubeyti Munyee ka wahanyeyyohi miigti Waakh tuso ichoow wihi weeli enenyet yeelin iubaaꞌdan ba yeele, icho Waakh iwoye. Iꞌdaas ka la ani Wori Haaggane Kiriisto miinsan tuume cheeke. Ilkerengeetti weene Yeerusaleeme kasookhabde ichoowka ili Iliriiko eleeliche.

Hilassi Ergaano 25:13

Inkoo ibeennetoo kutte ka karnati ꞌHerood Agiribbahi lammaatteete makhaabassoo Beernike layadeeh khabaayi ilkerengeetti Kaaysareya yimiy, Feestase bariitichaa.

Hilassi Ergaano 25:6

Inkoo Feestas geeddi ibeen siyyeettoo ommos ibeen tomontoo icho leejire ka, ilkerengeetti Kaaysareya ikhubte. Saahka inti ꞌdooꞌd lakahukkumo koorronte, amur bahche Baawulo a liikeeno.

Hilassi Ergaano 25:1

Inkoo Feestas boroofen yimiyye maan seyyahe kutte ka, Feestas ilkerengeetti weene Kaaysareya kakahe ilkerengeetti weene Yeerusaleem irte.

Hilassi Ergaano 21:16

Abattitoo ilkerengeetti Kaaysareya ka nah raahte, eti ꞌdee nah minkiis fiddiino Muunason layadeeh goobiis nah geesse. Ulla a etoo ili Kuuburo kayimiyye, abattiti oraat kichokoowe.

Hilassi Ergaano 12:19

Inkoo iskar ꞌHerood weyti Beetero yowatte waayte ka, ꞌHerood iskar wowworsate amur bahche iskar omoot igooche. ꞌHerood ꞌdeerka ili Yaꞌhuudiya kakahe irte ilkerengeetti Kaaysareya geeddoo fiddiye.

Hilassi Ergaano 10:24

Ibeenki kaas sooraaho ka, ilkerengeetti Kaaysareya sooeleeleen. Korneeliyo la icho suge, hiiyyiis ichoow aalassiiski us weyti ꞌdoono minkiis iwahe.

Hilassi Ergaano 8:25

Inkoo icho walah tuumman ꞌdooꞌd tuseene icho Yeedi Kamur cheekeen ka, ilkerengeetti weene Yeerusaleem inokhteene, goobassi ittaawenye ilkerengeetti Saamariya kijiro ka Wori Haaggan ꞌdooꞌd abcheen.

Hilassi Ergaano 9:30

Chirri ꞌdooꞌdi Kiriisto rummeeste waha abte ka, Saawulo khaateene ilkerengeetti Kaaysareya geecheene, intaas ka ilkerengeetti Taarso iergeen.

Hilassi Ergaano 11:11

“Chirraas on ꞌdooꞌdi seyyahenye ilkerengeetti Kaaysareya ka ani liisooergate, minki an fiddiyo kajiro sooeleele.

Hilassi Ergaano 18:22

Chirri us ilkerengeetti Kaaysareya yimiy ka, kooban kasooyege ilkerengeetti weene Yeerusaleem irte urur Kiriisto bariitiche, ꞌdeerka ilkerengeetti Antiyookhiya ikhubte.