Hilassi Ergaano 8:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ Fiilif ꞌdeerka chiirnaankaas Chiirnaanneti Waakh on kasookhabte, Wori Haaggane Yeesso miinsan icheeke.

Hilassi Ergaano 8:35 Referans Kwoze

Luuka 24:27

Yeesso la wihi goorat usu miinsane Chiirnaanneti Waakh goya kachiiran ibabbakkaahiche. Uus buuggag Muusa lakasookhabti ichoowka buuggassi ꞌdooꞌdi Waákh íyeyyeedo chiireen tuumman icheeke.

Hilassi Ergaano 18:28

A mehe us chirri us ꞌdooꞌdi Yaꞌhuud enenyet tuumman ortiis ka leehawwoocho, af ka a kahataate, Chiirnaanneti Waakh ka, saggi Yeesso rumanka Ki Lasubhe iyahe tuse.

1 Koriinto 2:2

Iꞌdi tahe wihi an gooche, geeddi an atin leejiro, wor Yeesso Kiriisto ichoow saggi massalaaba liikakaahe on menye, wohoo addan garan ma ꞌdoonin.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Mattaayo 5:2

Yeesso ꞌdooꞌd walah abinnaan sookhabte.

Hilassi Ergaano 5:42

Maan dakkhan uranti minki Waakhe buure ka ichoow minan ka Wori Haaggane saggi Yeesso rumanka Ki Lasubhe iyahe iche enenyet abisso toro cheekto ma ꞌdiin.

Efeesso 4:21

Wihi an tissibo, maanti atin woriis daagteen, wihi atin laabche ichoow yeedi rummaate Yeesso miinsan a israahaan.

2 Koriinto 6:11

ꞌDooꞌdi Koriintooy! Nah wohoo rucchul laka ma atin kadagsanne, saggi nah weyti atin iꞌdoonno laka a atin tusne.

1 Koriinto 1:23

Iꞌdaasenyi nah wori Kiriistohi massalaaba lakakaahe miinsan iche enenyet icheekna. Wora la ꞌdooꞌdi Yaꞌhuud daakki tarraantarricho iyateehe, yaafohi Yaꞌhuud ieheynan ka la, wora a yeedi ꞌdalam.

Hilassi Ergaano 19:13

ꞌDooꞌdoo Yaꞌhuud a sossohta ꞌdooꞌdi ginnayyo dakhtaan ginnayyo kabahchaane, magah Yeessohi Kamurenye lawaho ka ginnayyo bihin leheet. Wihi icho ginnayyo iyadeehiin, “Antohi magah Yeessohi Baawulo woriis cheeko ka amure kibahcha, soobah.”

Hilassi Ergaano 11:20

Iꞌdaasenyi gaasichokoo ili Kuuburo ichoow ilkerengeetti Kureene kayimiyye, ilkereengeetti Antiyookhiya irte, ꞌdooꞌdi yaafohi Yaꞌhuud ieheynan Wori Haaggane Yeessohi Kamure miinsan icheekeen.

Hilassi Ergaano 10:34

Beetero la yeede wihi us yidah, “An kola saggi Waakh rumanka yaafo tuumman ekka iekkaacho a arge.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Hilassi Ergaano 3:20

ꞌdee Ki Lasubhe us atin isoobahche a atin isooergo, kaas la a Yeesso.

Hilassi Ergaano 17:18

ꞌDooꞌdoo wihi etoo Eebikur layadeeh ꞌdooꞌd abcho raaho ichoow ꞌdooꞌdoo wihi rabittoo Siitoyig layadeeh enenyet abisso raaho leehawwooche. Gaasichokoo mehe worsateen ya, “Waha immarah yeyyeedo mehe essaan?” Gaasichokoo la mehe essaan ya, “Waakkhassi ꞌdooꞌdi yeelane woricho cheeka.” Wihi icho iꞌdaas kayidaaheen la a jeenteti Baawulo Wori Haaggane Yeesso miinsan ichoow saggi Yeesso omoot ikasookahe ikayeyyeedo.

Hilassi Ergaano 8:34

Eti sangꞌee wihi us Fiilif worsate, “Bal isoocheek, eti Waákh íyeyyeedo awtiissa kayeyyeeda bal etoo addan?”