Hilassi Ergaano 8:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Fiilif ꞌdeerka garruhi faraꞌde jiitto inyaame, et usuhi buuggi eti Waákh íyeyyeedo Isaaya layadeeh chiire soomo daage. Fiilif wihi us worsate, “Waha at soonto a kigelaan?”

Hilassi Ergaano 8:30 Referans Kwoze

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Efeesso 5:17

Maantaka saggi ꞌdooꞌdi ꞌdalammee iijirina, iꞌdaasenyi wihi Kamur atinhi yeessaan ꞌdoono abda.

Mattaayo 15:10

Yeesso urur isiwahe, wihi us iyidah, “Dagansada, waha la abda.

Mattaayo 13:23

ꞌDooꞌd gaasoo a iꞌdi inti harrati haaggan khabto. Ilmohi harrata kadiho a iꞌdi eti Yeedi Waakh daago toro abti. Ulla gurnaan kol kudoo ommos kol tomon lih ommos kol tomon seyyah geeddi il lakachibe ꞌdirihiissa dela.”

Mattaayo 13:19

Chiꞌ etoo wori dakhi Waakh miinsan daago toro la wihiis iaban, Seytaanki uskeel leh a yamiite, woraas icho daageen uurassicho kabahcha. Waha a ilmohi jit lakachibo.

1 Koriinto 14:19

Iꞌdaasenyi urur Kiriisto goya yeedi ittaawenye afi Rubeyti Munyee kayamiite etoo kalday laka idaagin ma kaayyeedo. Yeedoo rucchule enenyet tuumman daago, enenyet walah abcho, iche kaayyeeda.

Marko 13:14

“Maanti atin ‘iyookkoti weyti biꞌdirenye ꞌdooꞌd keehisso’ inti ikamalin katolosso agarteen, ꞌdooꞌdi ili Yaꞌhuudiya fiddiyo tuumman halal a ifirdo. Atihi yeeda soonto yeeda a kigelo.

Mattaayo 24:15

“ꞌDeerka maanti atin iyookkoti ‘weyti biꞌdirenye, ꞌdooꞌd keehisso,’ meessi lagan katolosso Daaniyelhi goorat Waákh íyeyyeedo cheeke agarteen,

Mattaayo 13:51

Yeesso la wihi us abattitiis worsate, “Atin waha tuumman a abatteen on a?” Icho la wihi icho ilaabeen, “Aa.”

Bakkaahit 13:18

Ayta khara ꞌdoonta. Chiꞌ etoo khara yahe, ayti sumatti binahaas a ekkaacho. A mehe magahi weeli enenyete itolossa. Sumatti aytiis, a kud lih ichoow tomon lih ichoow lih.

Hilassi Ergaano 8:27

Ulla kahe irte. Jit ka etoo ili Saaꞌdaame sangꞌee ꞌhele, ulla a etoo khummane chilimmeti makhaabassi karnatenye ili Saaꞌdaam dakhatti Kandake layadeeh tuumman khuccho. Ulla ilkerengeetti weene Yeerusaleeme irte, Waakh wahte.

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Hilassi Ergaano 8:5

Fiilif a khubte ilkerengeetti weene ili Saamariya irte wori Ki Lasubhe miinsan intaas ka cheeke.

Hilassi Ergaano 8:29

Rubeyti Munyee la wihi iche Fiilif itidah, “Nyaame, garruhaas faraꞌde jiitto haggahiis fiddi.”

Hilassi Ergaano 8:31

Ulla wihi us ilaabe, “Chirri etoo ikasoodowdowin saggoh igardi?” ꞌDeerka Fiilif wahe, ꞌdee garruhi faraꞌde jiitto a koro garabiis a orronti.