Hilassi Ergaano 8:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Rubeyti Munyee la wihi iche Fiilif itidah, “Nyaame, garruhaas faraꞌde jiitto haggahiis fiddi.”

Hilassi Ergaano 8:29 Referans Kwoze

Hilassi Ergaano 10:19

Beetero wihi fooltabcho tahe kamiyyaantaayi, Rubeyti Munyee wihi iche itidah, “Siimon, reeroo seyyahenye kisooyowte kalla.

Hilassi Ergaano 11:12

Rubeyti Munyee wihi iche ani itidah, ‘ꞌDooꞌdaas a leejijjiitanne, raah.’ Reera lihenye koo Kiriistee laka ilkerengeetti Yooba ka iraahe ichoowka ilkerengeetti Kaaysareya isleeiranne, nah tuummamba min Korneeliyo isleegelle.

1 Timooti 4:1

Rubeyti Munyee saggi ibeenneta ꞌdaꞌddaboot ka ꞌdooꞌd gaasoo Kiriistohi us kakhuufo ikatabo a cheekta. Toro ꞌdooꞌdi rubeyohoo woyaane enenyet ekkeesti iche yeedicho raahaane toro la wihi ginnayyo enenyet abchaan laka raahaan.

Hilassi Ergaano 21:11

Ulla nah iyimiyye, saab Baawuloki dabar khaate, luhlohiis ichoow dahanohiis iskahide, wihi us yidah, “Rubeyti Munyee wahane elatta. ‘Eti saaba leh saggane ilkerengeetti weene Yeerusaleem ka ꞌdooꞌdi Yaꞌhuud ihida, dahanohi ꞌdooꞌdi Waakh igaran igessa.’ ”

1 Koriinto 12:11

Waha tuumman la a hili Rubeytoo one, a Rubeyti Waakh. Iche la saggi iche iꞌdoonto u, ebba siintoo siissa.

Hilassi Ergaano 8:26

Hertoo Kamur la wihi iche Fiilif itidah, “Sookahe, gurro tabe, jiti ilkerengeetti weene Yeerusaleem kakhubti ilkerengeetti Gaasa irti isoho.” Waha la a jiti hidaadeet.

Hilassi Ergaano 8:28

Ulla garruhi faraꞌde jiitto kafiddiya, iliissa inokhta, chiirnaanneti eti Waákh íyeyyeedo Isaaya layadeeh chiire, iche sooma.

Hilassi Ergaano 8:30

Fiilif ꞌdeerka garruhi faraꞌde jiitto inyaame, et usuhi buuggi eti Waákh íyeyyeedo Isaaya layadeeh chiire soomo daage. Fiilif wihi us worsate, “Waha at soonto a kigelaan?”

Hilassi Ergaano 8:39

Chirri icho bicche kasookoreen ka Rubeyti Kamur Fiilif chirraas on khaatte, eti sangꞌee la toro Fiilif ma argine, iꞌdaasenyi usu hamaad ka jitiis tabe.

Hilassi Ergaano 28:25

Inkoo Baawulo ayta yomboot cheeke ka ꞌdooꞌd iswaaye toro kaheen. Baawulo la wihi us yidah, “Geeddoo meheenye Rubeyti Munyee afi eti Waákh íyeyyeedo Isaaya layadeeh ka aacchinyeteen leeyyeedde. Yeediis la kalla,

Ibiraaniya 3:7

Maantaka, iꞌdi Rubeyti Munyee Chiirnaanneti Waakh goyaka tadeeh u, “Maalinka chaꞌatin wihi Waakh essi daagtaan,